Šwicarska

Šwicarska konfederacija abo Šwicarski přisažny zwjazk, krótko Šwicarska (němsce Schweizerische Eidgenossenschaft, Schweiz, francosce Confédération suisse, La Suisse, italsce Confederazione Svizzera, Svizzera, retoromansce Confederaziun svizra, Svizra) je srjedźoeuropski nutřkokrajny stat w zapadnych Alpach. Mjezuje z Němskej na sewjeru, z Awstriskej a Liechtensteinom na wuchodźe, z Italskej na juhu, a z Francoskej na zapadźe.

Šwicarska konfederacija

zakładne daty:
swójske mjeno	Schweizerische Eidgenossenschaft (němsce) Confédération suisse (fr.)) Confederazione Svizzera (it.) Confederaziun svizra (rmč.)
stolica	Bern (de facto)
přestrjeń	41.285 km²
wobydlerstwo	8.256.000 (2015)
hustosć	200 wob./km²
forma knježerstwa	federatiwna republika (oficielnje konfederacija)
hłowa stata a šef knježerstwa	zwjazkowa rada Viola Amherd (prezidentka 2024) Karin Keller-Sutter (wiceprezidentka) Guy Parmelin Ignazio Cassis Albert Rösti Elisabeth Baume-Schneider Beat Jans[1]
měna	šwicarski frank
hymna	Schweizerpsalm
časowe pasmo	UTC+1
njewotwisnosć	24. oktobra 1648
Top Level Domain	.ch
telefon	+41
awtowa značka	CH
Połoženje Šwicarskeje w Europje
p • d • w

Šwicarska federacija wobsteji ze 26 kantonow a ma 8,2 milionaj wobydlerjow, z kotrychž pochadźa pjećina z wukraja.