Bob Dylan

Bob Dylan (* 24. meje 1941 jako Robert Allen Zimmermann w Duluth, Minnesota) je US-ameriski hudźbnik a lyrikar. Wón płaći jako jedyn z najwliwnišich hudźbnikow 20. lětstotka. Za „swoje poetiske nowotwórby we wulkej ameriskej songowej tradiciji“ spožči so jemu w lěće 2016 Nobelowe myto za literaturu.

Dylan je spěwar a hraje gitaru, hubnu harmoniku, pišćele kaž tež klawěr. Po prěnich wuspěchach we folku přiwobroći so srjedź 1960tych lět rockowej hudźbje, steji pak tež w tradicijach druhich směrow kaž country, blues abo gospel. W swojej twórbje poćahuje so na mnohich wosobinow ameriskich a europskich literarnych stawiznow, kaž na přikład Hank Williams, James Joyce, Ovid, William Shakespeare, John Lennon, Homer abo Petrarca.