Christian Lindner

němski politikar (FDP), zwjazkowy minister

Christian Wolfgang Lindner (* 7. januara 1979 we Wuppertal) je němski politikar Swobodneje demokratiskeje strony (FDP). Wón je wot 2013 z předsydu swojeje strony a nimo toho wot 8. decembra 2021 finančny minister Zwjazkoweje republiki Němskeje w kabineće Scholz. Lindner je wot 2017 čłon zwjazkoweho sejma.

Christian Lindner w lěće 2021

Wón bě wot 2000 do 2009 kaž tež znowa wot meja 2012 hač do oktobra 2017 zapósłanc w krajnym sejmje Sewjerorynsko-Westfalskeje. Wot oktobra 2009 hač do julija 2012 bě Lindner čłon zwjazkoweho sejma a nimo toho wot decembra 2009 hač do decembra 2011 generalny sekretar swojeje strony. Wón bě při zwjazkowych wólbach 2017 načolny kandidat FDP a wot septembra 2017 hač do decembra 2021 předsyda frakcije FDP w zwjazkowym sejmje.

Lindner bě direktny kandidat FDP we wólbnym wokrjesu 100 (Rynsko-Bergiski wokrjes) při wólbach 2009 a wot 2017 a dósta w tutym při wólbach 2021 16,8 % wotedatych hłosow.

Wotkazaj

 Commons: Christian Lindner – Zběrka wobrazow, widejow a awdiodatajow


Z Wikipedije, swobodneje encyklopedije