Kaliforniska

Kaliforniska (jendźelsce a španisce California, jendźelsce  [kælɪˈfɔrnjə]a a) je zwjazkowy stat Zjednoćenych statow Ameriki. Je to na ludnosć najwjetši a na přestrjeń po Alasce a Texasu třeći najwjetši zwjazkowy stat. Leži na juhozapadźe Zjednoćenych statow Ameriki při brjoze Ćicheho oceana.

Kaliforniska

hesło: Eureka!
přimjeno: Golden State
Zakładne daty
stolica	Sacramento
přestrjeń	423.970 km²
wobydlerstwo	39.144.818 (1. jul 2015)[1]
hustosć	92 wob. na km²
časowe pasmo	UTC–8 (PST)
Politika
guwerner	Gavin Newsom (Dem.)
přistup do unije	9. septembra 1850
Přehladna karta zwjazkoweho stata
p • d • w

Mjezuje na sewjeru z Oregonom, na sewjerowuchodźe z Nevadu, na wuchodźe z Arizonu a na juhu z mexiskim statom Baja California („Delnja Kaliforniska“). Štyri najwjetše města su Los Angeles (3,8 mio. wobydlerjow), San Diego (1,3 mio.), San José (950.000) a San Francisco (805.000), hłowne město je pak Sacramento. Najwyši dypk je Mount Whitney (4418 m) w horinach Sierra Nevada. Death Valley słuša k najhorcišim městnam na swěće.

Kaliforniska přiwza so dnja 9. septembra 1850 jako 31. stat do unije a ma přimjeno „The Golden State“ („złoty stat“).

W lěće 2007 měješe 57,4 % wobydlerstwa jendźelšćinu za maćeršćinu a 28,5 % španišćinu.