Kamerun

Kamerun (francosce Cameroun, jendźelsce Cameroon) je njewotwisny stat w srjedźnej Africe. Leži při ginejskim golfu Atlantiskeho oceana a mjezuje z Čadom w sewjerowuchodźe, z Centralnoafriskej republiki we wuchodźe, z republiki Kongo, Gabunom a Ekwatorialnej Gineju w juhu kaž tež z Nigeriju w zapadźe. Stolica je Yaoundé w južnym dźělu kraja.

Republika Kamerun

hesło Paix, Travail, Patrie / Peace, Work, Fatherland („Měr, dźěło, wótčinu“)
zakładne daty:
swójske mjeno	République du Cameroun Republic of Cameroon
stolica	Yaoundé
přestrjeń	475.442 km²
wobydlerstwo	23.739.218 (2015)[1]
hustosć	49,9 wob./km²
forma knježerstwa	prezidialna republika
hłowa stata	prezident Paul Biya (wot 1982)
šef knježerstwa	premier Joseph Ngute (wot 2019)
měna	1 CFA-franc BEAC
hamtska rěč	francošćina a jendźelšćina
hymna	Chant de Ralliement
časowe pasmo	UTC+1
nastaće	1. januara 1960 resp. 1. oktobra 1961 (njewotwisnosć wot Francoskeje a Zjednoćeneho kralestwa)
Top Level Domain	.cm
telefon	+237
awtowa značka	CAM
Połoženje Kameruna na zemi
p • d • w

W juhu Kameruna knježi włóžna, tropiska klima z cyłolětnej přerěznej temperaturu wot 25 °C. Klima w sewjernym Kamerunje je sucha a horcyša, z dešćowym časom wot meje do septembra. Najwyše městno kraja je aktiwny wulkan Mont Cameroun (4.095 m) blisko atlantiskeho pobrjoha, kotryž je tež najwyša hora cyłeje zapadneje Afriki.

Kamerun běše wot 1884 do 1916 němska kolonija a potom do 1960 resp. 1961 pod britiskim a francoskim zarjadnistwom. Přisłuša hač do dźensnišeho Commonwealthej.