Karl Lauterbach

němski politikar (SPD), zwjazkowy minister

Karl Wilhelm Lauterbach (* 21. februara 1963 w Dürenje) je němski lěkar a politikar Socialdemokratiskeje strony Němskeje (SPD), kiž je wot 8. decembra 2021 zwjazkowy minister za strowotu w kabineće Scholz.

Karl Lauterbach w lěće 2020

Lauterbach je wot 2005 čłon němskeho zwjazkoweho sejma. Wot 2009 do 2013 bě wón rěčnik za strowotu frakcije SPD w zwjazkowym sejmje. Wot 2013 do 2019 bě Lauterbach městopředsyda frakcije SPD a rěčnik za strowotu, kubłanje, slědźenje a peticijow. Wón bě jako zapósłanc čłon we wuběrkomaj za justicu a škit konsumentow a financow.

Lauterbach bu 2005 jako direktny kandidat swojeje strony we wólbnym wokrjesu 101 (Leverkusen – Köln IV) z 48,6 % hłosow woleny, při wólbach 2009 w tutym wokrjesu ze 37,1 %, 2013 z 41,4 %, 2017 z 38,5 % a při wólbach dnja 26. septembra 2021 z 45,6 % hłosow woleny.

Wón ma pjeć dźěći a bydli w Kölnje.

Wotkazy

 Commons: Karl Lauterbach – Zběrka wobrazow, widejow a awdiodatajow
Z Wikipedije, swobodneje encyklopedije