Kirgiska

Kirgiska republika
	zakładne daty:
swójske mjeno	Кыргыз Республикасы; (Kyrgyz Respublikasy); Киргизская республика; (Kirgizskaja respublika)
stolica	Biškek
přestrjeń	199.900 km²
wobydlerstwo	6.636.803 (2021)
hustosć	33,2 wob./km²
forma knježerstwa	parlamentariska republika
hłowa stata	prezident; Sadyr Žaparow (Садыр Жапаров) (wot 2021)
šef knježerstwa	ministerski prezident; Akylbek Žaparow (Акылбек Жапаров) (wot 2021)
měna	som
hamtska rěč	kirgišćina (statna rěč), rušćina (druha rěč)
hymna	Ak möngülüü aska (Wysoke hory)‬
časowe pasmo	UTC+5
njewotwisnosć	31. awgusta 1991 wot Sowjetskeho zwjazka
Top Level Domain	.kg
telefon	+996
	Połoženje Kirgiskeje w regionje
	Karta

4175

Koordinaty: 41° S, 75° W

Kirgiska (serbsce tež Kirgizistan, Kirgistan abo Kirgiziska;^[2] kirgisce Кыргыз Республикасы/Kyrgys Respublikasy, rusce Киргизская Республика/Kirgizskaja Respublika) je nutřkokrajny stat w srjedźnej Aziji, kotryž bě hač do lěta 1991 z dźělom Sowjetskeho zwjazka. Hłowne a zdobom najwjetše město je Biškek, prjedy Frunze.

Geografija

Susodne kraje su Kazachstan na sewjeru, Chinska na juhowuchodźe, Tadźikistan na juhozapadźe a Uzbekistan na zapadźe. Kirgiska leži we wysokich horinach Tien Šan, kotrychž najwyši wjeršk je Dźengiš Čokusu (prjedy Pik Pobjedy; 7439 m n.m.hł.). Při tadźikiskej hranicy na juhu přeńdźe kirgiske horiny do Pamira. Ratarstwo je jenož na 20% krajneho teritoriju docyła móžne. Ludnosć bydli předewšěm w dole rěki Čuj na sewjeru a we Ferganskej dolinje při hornim běhu Syrdarje na zapadźe kaž tež wokoło wulkeho jězora Ysyk-kol na sewjerowuchodźe Kirgiskeje. Přeco zaso je Kirgiska wot ćežkich zemjerženjow potrjechena.

Rěče

Statna rěč Kirgiskeje je kirgišćina, kazachšćinje a uzbekšćinje podobna turkska rěč. Jako druha hamtska rěč je rušćina připóznata, kotraž hraje wosebje wot sowjetskeje doby wulku rólu.