Luanda

Luanda (prěnjotnje São Paulo da Assunção de Loanda, do 19. lětstotka tež Loanda) je stolica a zdobom najwjetše město, hospodarske, kulturne a wobchadne srjedźišćo Angole. Leži při pobrjoze Atlantiskeho oceana w sewjerozapadźe afriskeho kraja, sewjernje mórskeho wuliwa rěki Cuanza, a ma wjace hač šěsć milionow wobydlerjow znutřka měšćanskich hranicow. W cyłym metropolnym rumje je něhdźe 10 milionow ludźi žiwych. Z tym słuša Luanda k najwjetšim městam Afriki a je po São Paulo a Rio de Janeiro třeće najwjetše portugalskorěčne město na swěće.

Luanda
Luanda na karće Angole
Luanda na karće Angole
DEC
Luanda
Luanda
Wopon
wopon
wopon
Zakładne daty
statChorhoj Angole Angola
wysokosć0 metrow n.m.hł.
přestrjeń2.416 km²
wobydlerstwo6.377.246 (2014)[1]
hustosć zasydlenja2.639,6 wob./km²
Zarjadnistwo
webstronacidadeluanda.com
Wobdźěłać
p  d  w
-8.83333313.25

Sydlišćo załoži so dnja 25. januara 1576 wot portugalskich sydlerjow pod nawodom kapitana Paulo Dias de Novais a dósta 1605 měšćanske prawo. Wot lěta 1627 hač do njewotwisnosće Angole w lěće 1975 bě Luanda ze srjedźišćom portugalskeje kolonialneje prezency w Angoli a jako tole hač do 19. lětstotka tež z wažnym překładowanišćom za wikowanje z njewólnikami z Brazilskej, Karibiku a Zjednoćenymi statami. Wjetšina portugalskich wobydlerjow je město po angolskej njewotwisnosći wopušćiło. Hač do 1930tych lět Luanda wjace hač 20.000 wobydlerjow njeměješe.

Luandaski zaliw

Žórło

Wotkaz

 Commons: Luanda – Zběrka wobrazow, widejow a awdiodatajow
Z Wikipedije, swobodneje encyklopedije