Michael Kretschmer
Michael Kretschmer (* 7. meje 1975 w Zhorjelcu) je sakski politikar Křesćansko-demokratiskeje unije (CDU) a wot 13. decembra 2017 jako naslědnik Stanisława Tilicha ministerski prezident swobodneho stata kaž tež wot 9. decembra předsyda krajneho zwjazka CDU. Po wólbach do krajneho sejma a wutworjenju noweje koalicije z CDU, Zelenych a SPD bu dnja 20. decembra 2019 w zastojnstwje wobkrućeny.
Do toho bě Kretschmer wot lěta 2005 generalny sekretar sakskeje unije a wot 2009 do 2017 městopředsyda frakcije CDU/CSU w němskim zwjazkowym sejmje.
Žiwjenje
Po wukubłanju na běrowoweho informaciskeho elektronikarja studowaše Kretschmer hospodarske inženjerstwo w Drježdźanach a wotzamkny studij w lěće 2002 jako diplomowy hospodarski inženjer (FWŠ).
Michael Kretschmer je ewangelski, njewoženjeny a ma dweju synow.
Politikar
Kretschmer bě wot 1994 do 1999 čłon Zhorjelskeje měšćanskeje rady. Wot 2002 do 2017 bě přez štyri legislatury zapósłanc w zwjazkowym sejmje. Při wólbach do zwjazkoweho sejma dnja 24. septembra 2017 zhubi direktny mandat w Zhorjelskim wólbnym wokrjesu na kandidata strony AfD.
Dnja 18. oktobra 2017 bu wot Stanisława Tilicha namjetowany jako naslědnik w zastojnstwje ministerskeho prezidenta.
Wotkazy
- Oficielna webstrona (němsce)
- Krótkobiografija na webstronje zwjazkoweho sejma (němsce)
Winfried Kretschmann (Badensko-Württembergska) |Markus Söder (Bayerska) |Kai Wegner (Berlin) |Dietmar Woidke (Braniborska) |Andreas Bovenschulte (Bremen) |Stephan Weil (Delnja Sakska) |Bodo Ramelow (Durinska) |Peter Tschentscher (Hamburg) |Boris Rhein (Hessenska) |Manuela Schwesig (Mecklenburgsko-Předpomorska) |Malu Dreyer (Porynsko-Pfalca) |Anke Rehlinger (Posaarska) |Michael Kretschmer (Sakska) |Reiner Haseloff (Saksko-Anhaltska) |Daniel Günther (Schleswigsko-Holsteinska) |Hendrik Wüst (Sewjerorynsko-Westfalska)
Kurt Biedenkopf (1990–2002) |Georg Milbradt (2002–08) |Stanisław Tilich (2008–17) |Michael Kretschmer (2017–)
Michael Kretschmer (CDU) |Martin Dulig (SPD) |Oliver Schenk (CDU) |Roland Wöller (CDU) |Matthias Haß (CDU) |Sebastian Gemkow (CDU) |Barbara Klepsch (CDU) |Thomas Schmidt (CDU) |Christian Piwarz (CDU) |Eva-Maria Stange (SPD) |Petra Köpping (SPD)
Michael Kretschmer (CDU) |Wolfram Günther (Zeleni) |Martin Dulig (SPD) |Roland Wöller (CDU) |Hartmut Vorjohann (CDU) |Katja Meier (Zeleni) |Christian Piwarz (CDU) |Sebastian Gemkow (CDU) |Barbara Klepsch (CDU) |Petra Köpping (SPD) |Thomas Schmidt (CDU) |Oliver Schenk (CDU)