Neckar

Neckar je srjedźoeuropska rěka, kotraž běži přez němskej zwjazkowej krajej Badensko-Württembergsku a Hessensku. Wón je z 362 kilometrami po Aary, Maas, Moseli a Mohanje pjaty najwjetši přitok Ryna a dwanata najwjetša rěka cyłeje Němskeje.

Neckar

Neckar pola Heidelberga
ćeče přez	Němsku
žórło	pola Schwenningena (S, 8° 31′ 42″ W48.0458.5283333333333 )
wysokosć	705 m
wuliw	w Mannheimje do Ryna (S, 8° 26′ 15″ W49.5116666666678.437549° 30′ 42″ S, 8° 26′ 15″ W )
wysokosć	88 m
spad rěki	1,7 m/km
mórski basenk	Sewjerne morjo
rěčina	Ryn
dołhosć	362 km
přestrjeń rěčiny	13.934 km²

Wužórli so blisko Villingena-Schwenningena na juhu Badensko-Württembergskeje, mjez Čornym lěsom na zapadźe a Šwabskej albu na wuchodźe. Jeho něhdźe 14.000 km² wulke přitočnišćo wobjimuje srjedźny dźěl zwjazkoweho kraja. Neckar běži mjez druhim přez Rottweil, Tübingen, Esslingen, krajnu stolicu Stuttgart, Heilbronn a Heidelberg, před tym zo so w Hornjorynskej nižinje pola Mannheima wotprawa do Ryna wuliwa. Na něhdźe 15 kilometrow dołhim wotrězku w Odenwaldźe wuchodnje Heidelberga twori hranicu mjez Badensko-Württembergskej a Hessenskej.

Neckar je wot Plochingena hač k wuliwej wutwarjeny wodowy puć a přez kanal z Dunajom zwjazany.