Pjatk

Pjatk (pjaty dźeń) je po modernym ličenju pjaty dźeń tydźenja, a šesty po židowsko-křesćansko-muslimskej protyce. Wón je zdobom posledni dźeń normalneho dźěłoweho a šulskeho tydźenja. W islamje je pjatk dźeń najwjetšich božich słužbow w mošejach. Po starej křesćanskej tradiciji so na pjatkach žane mjaso njejě. Najwažniši pjatk cyrkwinskeho lěta je Ćichi pjatk.

Słowa za pjatk w někotrych rěčach
rěč	słowo	woznam
delnjoserbsce	pětk	pjaty dźeń
čěsce	pátek	pjaty dźeń
słowaksce	piatok	pjaty dźeń
pólsce	piątek	pjaty dźeń
kašubsce	piątk	pjaty dźeń
bosnisce/chorwatsce/južnoserbsce	petak	pjaty dźeń
słowjensce	petek	pjaty dźeń
bołharsce	петък petyk	pjaty dźeń
makedonsce	петoк petok	pjaty dźeń
rusce	пятница pjatnica	pjaty dźeń
ukrainsce	п'ятниця pjatnicja	pjaty dźeń
litawsce	penktadienis	pjaty dźeń
łaćonsce	dies Veneris	dźeń bohowki Venus
italsce	venerdì	dźeń bohowki Venus
španisce	viernes	dźeń bohowki Venus
francosce	vendredi	dźeń bohowki Venus
katalansce	divendres	dźeń bohowki Venus
starojendźelsce	frīgedæg	dźeń germanskeje bohowki Frigg
němsce	Freitag	dźeń bohowki Frija (=Frigg)
jendźelsce	Friday	dźeń bohowki Frija
dansce	fredag	dźeń bohowki Frija
islandsce	föstudagur	dźeń posta
irsce	Dé hAoine	dźeń posta
nowogrjeksce	Παρασκευή paraskewí	přihotowanje (na njedźelu)
baskisce	ostiral	pjaty dźeń
madźarsce	péntek	wotwodźene wot słowjanskeho słowa

Wotkaz

Commons: Pjatk – Zběrka wobrazow, widejow a awdiodatajow

Dny tydźenja