Rězno
Rězno[2] (němsce Regensburg, łaćonsce Ratisbona) je bjezwokrjesne wulkoměsto we wuchodnej Bayerskej. Zarjadniske sydło wobwoda Hornja Pfalca leži při wuliwje rěkow Regen a Naab do Dunaja zapadnje Bayerskeho lěsa, něhdźe 120 kilometrow sewjernje Mnichowa. Ma něhdźe 140.000 wobydlerjow a je tuž po Mnichowje, Nürnbergu a Augsburgu štwórte najwjetše město Bayerskeje.
němsce | Regensburg | |
Wopon | ||
---|---|---|
Zakładne daty | ||
stat | Němska | |
zwjazkowy kraj | Bayerska | |
knježerstwowy wobwod | Hornja Pfalca | |
wokrjes | bjezwokrjesne | |
wysokosć | 343 metrow n.m.hł. | |
přestrjeń | 80,76 km² | |
wobydlerstwo | 153.542 (31. dec 2021)[1] | |
hustosć zasydlenja | 1901 wob. na km² | |
póstowe čisła | 93047–93059 | |
předwólba | (+49) 0941 | |
awtowa značka | R | |
Politika a zarjadnistwo | ||
wyši měšćanosta | Joachim Wolbergs (SPD) | |
adresa | Rathausplatz 1 93047 Regensburg | |
webstrona | regensburg.de | |
wikidata: Rězno (Q2978) |
Historiski centrum Rězna słuša wot lěta 2006 oficielnje k swětowemu herbstwu UNESCO. Rězno je biskopske sydło a stejišćo třoch wysokich šulow.
Stawizny
Rězno słuša k najstaršim městam Němskeje. Mjeno Radaspona bu prěni raz hižo w lěće 770 naspomnjene, pochadźa pak prawdźepodobnje z keltiskich rěčow. Romske stawizny města zahajichu so w lěće 79 z natwarjenjom kastela. W druhej połojcy druheho lětstotka je so potom w nadawku kejžora Marka Aurela legionowe lěhwo Castra Regina załožiło. Po pućowanju ludow w 5. lětstotku zhubi město swój status jako wuznamne wojerske stejišćo při Dunaju. Započatk 8. lětstotka załoži so w Rěznje, tehdy hižo srjedźišćo bayerskeho wójwodstwa, biskopstwo. Pod wuchodofrankowskim kralom Ludwigom II. sta so město z kralowskej rezidencu a wažnym srjedźišćom mócnarstwa. Tež za Swjate romske mócnarstwo měješe Rězno jako sydło mócnarstwoweho sejma mjez 1594 a 1803 wulki wuznam. Za čas Napoleonowych wójnow přińdźe město w lěće 1810 k Bayerskej a zhubi tak swój status jako mócnarstwowe město.
Wobrazarnja
- Kamjentny móst přez Dunaj, najstarši wobchowany móst Němskeje
- Stare město z tachantskej cyrkwju swj. Pětra
- Rězno wokoło lěta 1900
- Stara radnica
Žórła
Wotkazaj
- Oficialne webstrony (němsce)
nad 1.000.000 wobydlerjow:Berlin |Hamburg |Köln |Mnichow
nad 500.000 wobydlerjow:Bremen |Dortmund |Drježdźany |Düsseldorf |Essen |Frankobrod nad Mohanom |Hannover |Lipsk |Nürnberg |Stuttgart
nad 250.000 wobydlerjow:Augsburg |Bielefeld |Bochum |Bonn |Duisburg |Gelsenkirchen |Karlsruhe |Mannheim |Mönchengladbach |Münster |Wiesbaden |Wuppertal
nad 100.000 wobydlerjow:Aachen |Bergisch Gladbach |Bottrop |Brunšwik |Bremerhaven |Darmstadt |Dźěwin |Erfurt |Erlangen |Freiburg im Breisgau |Fürth |Göttingen |Hagen |Hala nad Solawu |Hamm |Heidelberg |Heilbronn |Herne |Ingolstadt |Jena |Kamjenica |Kassel |Kiel |Koblenz |Krefeld |Leverkusen |Lubica |Ludwigshafen |Moers |Mohuč |Mülheim an der Ruhr |Neuss |Oberhausen |Offenbach |Oldenburg |Osnabrück |Paderborn |Pforzheim |Podstupim |Recklinghausen |Remscheid |Reutlingen |Rězno |Roztok |Saarbrücken |Siegen |Solingen |Trier |Ulm |Wolfsburg |Würzburg