Drawa
Drawa (němsce Drau; italsce, słowjensce, chorwatsce Drava; madźarsce Dráva) je prawy přitok Dunaja, kotryž so w južnotirolskich Alpach wužórli a Awstrisku, Słowjensku, Chorwatsku a Madźarsku přeběži. Wona je ze 749 kilometrami po Tysy, Pruće a Sawje štwórty najdlěši přitok Dunaja.
| Drava, Drau, Dráva | |
 Drawa w Beljaku (Villach) | |
| ćeče přez | Italsku, Awstrisku, Słowjensku, Chorwatsku, Madźarsku |
| žórło | pola Innichena w Južnym Tirolu (S, 12° 15′ 16″ W46.71916666666712.254444444444) |
| wysokosć | 1450 m |
| wuliw | blisko Osijeka do Dunaja (S, 18° 55′ 36″ W45.54111111111118.92666666666745° 32′ 28″ S, 18° 55′ 36″ W) |
| wysokosć | 90 m |
| spad rěki | 1,82 m/km |
| rěčina | Gurk, Mura, Dravinja |
| dołhosć | 749 km |
| přestrjeń rěčiny | 40120 km² |
Běh
Drawa wužórli so w južnotirolskim Pusterskim dole a docpěwa po někotrych kilometrach hranicu awstriskeho zwjazkoweho kraja Wuchodny Tirol. W susodnej Korutanskej běži přez město Beljak (Villach) a wjacore spjate jězory. Před Dravogradom wopušća awstriski teritorij a běži do Słowjenskeje. Tamniši Maribor je ze 120.000 wobydlerjemi najwjetše město při rěce a wažny regionalny centrum. Za Ptujom započnje so chorwatski wotrězk Drawy. Wot wuliwa Mury, najwjetšeho lěweho přitoka Drawy, twori wona chorwatsko-madźarsku mjezu. Při poslednim wotrězku před zjednoćenjom z Dunajom leži druhe wulkoměsto při Drawje, chorwatski Osijek ze 110.000 wobydlerjemi.
Drawa je wot chorwatskeho městačka Čađavica hač k Dunajej pławna.
Drava Verlag, najwažniše nakładnistwo korutanskich Słowjencow, bu po rěce pomjenowane.
Wotkaz
Commons: Drawa – Zběrka wobrazow, widejow a awdiodatajow