Triglavski narodny park

narodny park w Słowjenskej

Triglavski narodny park (słowjenšćina Triglavski narodni park) je jenički narodny park w Słowjenskej. Won leži na sewjerozapadźe kraja w Julijskich Alpach, škita najwyši wjeršk kraja Triglav (2864 metrow nad mórskej hładźinu) a ma přestrjeń 838 km². Park wopřija 4 % teritorija Słowjenskeje. Prěni namjet, jón jako narodny park škitać, pochadźa z časa Rakusko-Wuherskeje. Prěnje škitne naprawy buchu 1924 zwoprawdźene. Narodny park bu za čas Juhosłowjanskeje w lěće 1961 załoženy a 1981 na dźensnišu wulkosć rozšěrjeny. W parku su něhdźe 1600 družinow rostlin a 7000 družiny zwěrjatow znate, na přikład brune mjedwjedźe, bobaki, hłucharje.

Triglav w zymje

Sydło zarjada narodneho parka je w Bledźe.

Wotkazaj

 Commons: Triglav National Park – Zběrka wobrazow, widejow a awdiodatajow
Z Wikipedije, swobodneje encyklopedije