Ukrainšćina

wuchodosłowjanska rěč

Ukrainšćina (ukrainsce українська [мова], ukrajinska [mowa]) je wuchodosłowjanska rěč, přiwuzna rušćinje a běłorušćinje. Jako po ličbje rěčnikow třeća najwjetša słowjanska rěč rěči so wot 40 milionow ludźi hłownje na Ukrainje, hdźež je tež hamtska rěč. Nimo toho je ukrainšćina rozšěrjena tež w Pólskej, Słowakskej, Moldawskej a Podnjesterskej.

українська (мова)
Ukrainšćina
krajeUkraina, Ruska,
Kazachstan, Moldawska,
USA, Kanada, Běłoruska,
Słowakska, Brazilska,
Argentinska, Kirgizistan,
Letiska, Rumunska,
Chorwatska, Uzbekistan
rěčnicy39 milionow
znamjenja a klasifikacija
klasifikacijaindoeuropske rěče
słowjanske rěče
wuchodosłowjanske rěče
Ukrainšćina
oficielny status
hamtska rěčUkraina
rěčne kody
ISO 639-1:

uk

ISO 639-2:

ukr

ISO 639-3 (SIL):

ukr

karta
mapa ukrainšćiny
wikipedija
Wobdźěłać
p  d  w
Wira rěči ukrainsce

Wona pisa so ze swójskej wariantu kyriliskeho alfabeta. Charakteristiski za ukrainšćinu je pismik Г, kotryž wurjekuje so – kaž w hornjoserbšćinje – jako h a nic jako g. Dalši charakteristikum ukrainšćiny je realizacija starosłowjanskeho jat jako i (na př. місяць, měsac). Nimo toho realizujetej so tež wokalaj e a o w zawrjenych złóžkach jako i (кішка, kóčka; Львів, Lwiw). Kaž serbšćina wužiwa ukrainšćina sydom padow.

Najwuznamniši ukrainski awtor bě Taras Šewčenko (1814–61), kotryž płaći jako narodny basnik Ukrainy.

Ukrainski alfabet

А а /a/Б б /b/В в /w/Г г /h/Ґ ґ /g/
Д д /d/Е е /e/Є є /ě/Ж ж /ž/З з /z/
И и /y/I i /i/Ї ї /ji/Й й /j/К к /k/
Л л /ł/М м /m/Н н /n/О о /о/П п /p/
Р р /r/С с /s/Т т /t/У у /u/Ф ф /f/
Х х /ch/Ц ц /c/Ч ч /č/Ш ш /š/Щ щ /šč/
Ю ю /ju/Я я /ja/Ь ь mjechki pismik

Gramatika

Ukrainšćina ma 7 padow, dwaj numerusaj a tři genusy.

Wikisłownik


Z Wikipedije, swobodneje encyklopedije