Zjednoćene kralestwo

Zjednoćene kralestwo Wulkobritaniskeje a Sewjerneje Irskeje (jendźelsce United Kingdom of Great Britain and Northern Ireland, ze skrótšenku UK) je kupowy stat w sewjerozapadnej Europje. Britiske kupy wobdawa na wuchodźe Sewjerne morjo a na zapadźe Atlantiski ocean. Wot twjerdźe je dźělena přez Ärmelski kanal. Zjednoćene kralestwo tworja Jendźelska, Šotiska, Waliziska na kupje Wulkobritaniska) a Sewjerna Irska na sewjeru Irskeje kupy. Knježerstwowa struktura je konstitucionalna monarchija, kotrejež hłowa je kral Charles III.

Zjednoćene kralestwo

hesło Dieu et mon droit („Bóh a moje prawo“)
zakładne daty:
swójske mjeno	United Kingdom
stolica	London
přestrjeń	243.610 km²
wobydlerstwo	65.110.000 (2015)
hustosć	267,3 wob./km²
forma knježerstwa	konstitucionelna monarchija
hłowa stata	kral Charles III. (wot 2022)
šef knježerstwa	premierminister Rishi Sunak (wot 2022)
měna	libra šterlinkow
hamtska rěč	jendźelšćina (de facto)
připóznate mjeńšinowe rěče	iršćina, kornišćina, šotiska gelšćina, walizišćina
hymna	God save the King
časowe pasmo	UTC
nastaće	1707 (Akt wo uniji)
Top Level Domain	.uk
telefon	+44
Połoženje Zjednoćeneho kralestwa w Europje
p • d • w

Zjednoćene kralestwo je załoženski čłon Zjednoćenych narodow a wojerskeho zwjazka NATO. Wot 1973 hač do swojeho wustupa dnja 31. januara 2020 bě tež čłon Europskeje unije a po wobydlerstwje jeje třeći najwjetši čłonski stat.

Najwjetša rěč w Zjednoćenym kralestwje je jendźelšćina, nimo toho rěči so pak tež walizisce a šotisko-gelsce.