Ադամ Բակրին

Ծնվել է Նազարեթ քաղաքում 1988 թվականին։ Ծագել է արաբական կինեմատոգրաֆների ընտանիքից։ Նրա հայրն ու եղբայրները նույնպես կապված են կինոյի հետ^[3]։ Թել Ավիվի համալսարանում անգլիական գրականության և թատերարվեստի բակալավրի կոչում ստանալուց հետո նա ուսումը շարունակել է Նյու Յորքում^[4]։

Նա իր թատերական կարիերան սկսել է 13 տարեկանում ՝ ելույթ ունենալով «Ալ Միդան» թատրոնում Նազարեթում և Հայֆայում^[5]։ Ոուսումն ավարտելուց կարճ ժամանակ անց նա գլխավոր դեր է կերտել «Օմար» ֆիլմում, որը 2014 թվականին առաջադրվել է «Օսկար» մրցանակի` որպես լավագույն օտարալեզու ֆիլմ։

2014 թվականին ընտրվել է «Ալի և Նինո» ադրբեջանական ֆիլմում գլխավոր դեր մարմնավորելու համար։ Ֆիլմը հիմնված է համանուն վեպի վրա, որը պատմում է Ադրբեջանում 1917-1920-ական թվականների բուռն իրադարձությունների ֆոնին սիրո պատմության մասին^[6]։ 2018 թվականին Բակրին նկարահանվել է «Slam» ֆիլմում, որը նկարահանվել է Ավստրալիայի Սիդնեյ քաղաքում^[7]։

• Adam Bakri Internet Movie Database կայքում

Վիքիպահեստն ունի նյութեր, որոնք վերաբերում են «Ադամ Բակրին» հոդվածին։