Անվերջ փախուստ, հավերժ վերադարձ (ֆիլմ)
«Անվերջ փախուստ, հավերժ վերադարձ», (անգլ.՝ Endless escape, eternal return), 2012 թվականին նկարահանված հայկական ֆիլմ։ 2013 թվականին ներկայացվել է «Ոսկե ծիրան» միջազգային կինոփառատոնի «Արտամրցութային ծրագրեր» անվանակարգում[1]։
Երկիր | ![]() |
---|---|
Թվական | 2012 |
Լեզու | հայերեն՝ անգլերեն լուսագրերով |
Ռեժիսոր | Հարություն Խաչատրյան |
Պրոդյուսեր | Հարություն Խաչատրյան |
Սցենարի հեղինակ | Հարություն Խաչատրյան Միքայել Ստամբոլցյան |
Օպերատոր | Վրեժ Պետրոսյան Սուրեն Թադևոսյան |
Երաժշտություն | Ավետ Տերտերյան հնչյունային օպերատոր՝ Հայկ Իսրայելկան, Կարեն Ծատուրյան |
Տևողություն | 87 րոպե |
Սյուժե
Մարդիկ, ժողովուրդ, փախուստ, վերադարձ։ Ինչո՞ւ են մարդիկ փախչում իրենց արմատներից։ Ազգային նկարագի՞ր, թե՞՝ ժամանակի պատրանք։
«Անվերջ փախուստ, հավերժ վերադարձ» ֆիլմը Հարություն Խաչատրյանի «Քամին ունայնության» ֆիլմի հերոսներից մեկի' Հայկի պատմությունն է։ Հեղինակը 1980-ականների վերջից սկսել է հետևել Հայաստանից Ռուսաստան տեղափոխված Հայկի կյանքին և փորձել մի փիլիսոփայական հարցադրման պատասխան ստանալ․ ինչո՞ւ են մարդիկ լքում իրենց հայրենիքը և արդյոք հաջողվում է նրանց օտար ափերում առավել լավ կյանքի արժանանալ։ Այս գեղարվեստավավերագրական ուսումնասիրությունը ռեժիսորի հեղինակային միևնույն խորագիրը կրող ֆիլմաշարի առաջին ֆիլմն է[2]։
Դերերում
Հայկ Խաչատրյան, Ռուբեն Հախվերդյան, Գևորգ Աղեկյան, Ստեփան Հովհաննիսյան, Յուրա Հովհաննիսյան, Սայաթ Այվազյան, Հայկ Ալեքսանյան, Վոլոդյա Ասատրյան
Մրցանակներ
Մեջբերումներ ֆիլմի մասին
![]() | Իմ բոլոր ֆիլմերն էլ ուսումնասիրություններ են տարբեր իրավիճակների, մարդկանց տեսակների, մի գյուղի, մի քաղաքի… Ինձ միշտ էլ հետաքրքրել է, թե ինչու են մարդիկ հեռանում, որովհետև իմ մեջ էլ եղել է փախուստի ցանկությունը։ - Հարություն Խաչատրյան[4] | ![]() |