Բիլալ Հասանի
Բիլալ Հասանի (ֆր.՝ Bilal Hassani
արաբ․՝ بلال حسني, սեպտեմբերի 9, 1999, Օրսե), ֆրանսիացի երգիչ և YouTube բլոգեր[1][2]։ Նա «Roi» երգով Եվրատեսիլ 2019 երգի մրցույթում ներկայացնելու է Ֆրանսիան՝ «Destination Eurovision»-ի ֆինալային փուլում 200 միավոր գրանցելով։
| Բիլալ Հասանի | |
|---|---|
 | |
| Բնօրինակ անուն | ֆր.՝ Bilal Hassani և արաբ․՝ بلال حسني |
| Ծնվել է | սեպտեմբերի 9, 1999 (24 տարեկան) Օրսե |
| Երկիր | .svg){kind=small} Ֆրանսիա |
| Ժանրեր | փոփ |
| Մասնագիտություն | երգիչ, վիդեո բլոգեր, երգերի հեղինակ և հեռուստատեսային պրոդյուսեր |
| Գործիքներ | դաշնամուր |
| Լեյբլ | Low Wood |
 Bilal Hassani Վիքիպահեստում | |
Կենսագրություն
Բիլալ Հասանին ծնվել է 1999 թվականի սեպտեմբերի 9-ին, Փարիզում։ Նրա մայրը ֆրանսուհի է, իսկ հայրը՝ Սինգապուրում ապրող մարոկկացի, ով արմատներով Կասաբլանկայից է։ Ունի ավագ եղբայր՝ Տահան, ով ծնվել է 1995 թվականին։
2017 թվականին գրականության ոլորտում ստացել է բակալավրի աստիճան։
Ճանապարհ դեպի Եվրատեսիլ։ Destination Eurovision
2015 թվականին տղան մասնակցում է «The Voice Kids» ֆրանսիական երաժշտական հեռուստահաղորդմանը, կատարելով երգը նա հայտնվում է հայտնի երգիչ և կոմպոզիտոր Պատրիկ Ֆիորիի թիմում։ Սակայն, բաթլների փուլում երիտասարդ արտիստը լքում է ծրագիրը։
2018 թվականի դեկտեմբերին France 2 հեռուստաալիքը հայտարարեց «Destination Eurovision» համազգային ընտրության մասնակիցներին, որտեղ նաև նշված էր Բիլալ Հասանիի անունը։ Դեկտեմբերի 20-ին ներկայացվեց մրցույթային «Roi» («Արքա») երգից հատված։ Այն գրվել է Լիսաբոնում անցկացված «Եվրատեսիլ 2018» երգի մրցույթում Ֆրանսիան «Mercy» երգը ներկայացրած Madame Monsieur դուետի կողմից։ 2019 թվականի հունվարի 4-ից «Roi» երգը հասանելի է բոլոր երաժշտական հարթակներում։ Lyrics Video-ն ունի գրեթե 5մլն դիտում։ Հունվարի 12-ին Բիլալ անցավ համազգային ընտրության առաջին կիսաեզրափակիչը՝ ժյուրիի կողմից տրվող 60-ից 58 միավորով, իսկ հանդիսատեսի կողմից՝ 57 միավոր (Լավագույն արդյունքը երկու կիսաեզրափակիչների համար)։
Հունվարի 26-ին Բիլալը ներկայացավ «Destination Eurovision» եզրափակիչ փուլին, արդյունքում գրավելով ութից առաջին հորիզոնականը՝ հավաքելով 50 միավոր ժյուրիից և 150՝ հանդիսատեսներից։
Նա պետք է ներկայացնի Ֆրանսիան՝ Եվրատեսիլ 2019-ի եզրափակիչ փուլում, որը տեղի է ունենալու Իսրայելի մայրաքաղաք Թել Ավիվում՝ մայիսի 18-ին[3]։
Սկավառակագրություն
Սինգլեր
| Անվանում | Թվական | Չարթերում զբաղեցրած հորիզոնական | Ալբոմ | ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|
| FRA [4] | |||||||||||||||||||||
| "Wanna Be" | 2016 | — | Ոչ ալբոմային սինգլեր | ||||||||||||||||||
| "Follow Me" | 2017 | — | |||||||||||||||||||
| "House Down" | — | ||||||||||||||||||||
| "Shadows" | 2018 | — | |||||||||||||||||||
| "Heaven With You" (with Anton Wick) | — | ||||||||||||||||||||
| "Hot City" (with Leon Markcus ) | — | ||||||||||||||||||||
| "Mash Up" (Copines x Tout oublier) | — | ||||||||||||||||||||
| "Roi" | 2019 | 45 | |||||||||||||||||||
| «—» նշանակում է, որ երգը հորիզոնական չի զբաղեցրել | |||||||||||||||||||||
