Գաս Քենուորթի

Ծնվել է Անգլիայի Էսսեքս կոմսության Չելմսֆորդ քաղաքում, մայրը՝ Հիզեր «Փիփ» Թայլերն անգլուհի է, իսկ հայրը՝ Փիթեր Քենոթուրթին ամերիկացի^[6][7]։ Ունի երկու ավագ եղբայր՝ Հյու և Նիք Քենուորթիները^[8]։

2006 թվականից սկսած՝ հայրը եղել է Mountainfilm կինոփառատոնի գործադիր տնօրեն^[9][10]։ Հայրը եղել է Ֆիլադելֆիացի նախկին բանկիր և երկարատև տարիներ աշխատել է Լոնդոնում (Մեծ Բրիտանիա)։ Մայրը ծնվել է Անգլիայի Բրիստոլ քաղաքում և ունեցել է ութ քույր և եղբայր։ 1970-ականների սկզբին մեկնել է Լոնդոն և աշխատել է «Kings Head» թատերական ակումբի կուլիսներում։ Նաև տնօրինել է Քամդեն Լոքի ցուցադրական սթենդը^[7]։ 1993 թվականին ամուսնու և երեխաների հետ տեղափոխվել է Թելուրիդ^[7]։

2010 թվականի հունիսին Գասն ավարտել է Թելիդուրի ավագ դպրոցը^[8]։ Ի սկզբանե նա պետք է ավարտեր 2009 թվականին, բայց որոշել է մեկ տարով տարկետում վերցնել՝ դահուկապարի համար^[11]։

Հաղթել է AFP-ի Աշխարհի առաջնության՝ 2011, 2012 և 2013 թվականներին կայացած խաղերում^{[12][13][14][15]}։

Սոչիում կայացած 2014 թվականի ձմեռային օլիմպիական խաղերի ժամանակ ստացել է արծաթե մեդալ^[16]։

2019 թվականին նկարահանվել է «Ամերիկյան սարսափ պատմություն» հեռուստասերիալի 9-րդ՝ «1984» եթերաշրջանում, որտեղ կատարել է Չեթ Քլենսիի դերը^[17]։

Բացահայտ գեյ է։ Քամինգ աութ է կատարել 2015 թվականի հոկտեմբերի 23-ին^[18]։ Ատլետը պարզաբանել է, որ ցանկացել է քամինգ աութ կատարել, երբ արդեն դարձած կլիներ աշխարհի լավագույն դահուկորդը և խոստովանություն է կատարել միայն այն բանից հետո, երբ զբաղեցրել է առաջին հորիզոնականը՝ դահուկային սպորտի և սնոուբորդի ամերիկյան ասոցիացիայում (USSA)^[19]:

• Գաս Քենուորթիի պաշտոնական կայքէջը

Վիքիպահեստն ունի նյութեր, որոնք վերաբերում են «Գաս Քենուորթի» հոդվածին։