Ես հանդիպել եմ մի աղջկա
«Ես հանդիպել եմ մի աղջկա» (ռուս.՝ «Я встретил девушку»), ռեժիսոր Ռաֆայիլ Պերելշտեյնի ֆիլմը, որը նկարահանվել է 1957 թվականին։ Ստալինաբադի «Տաջիկֆիլմ» կինոստուդիայում (Տաջիկստանի ԽՍՀ) նկարահանված առաջին գունավոր գեղարվեստական ֆիլմն է։ Մինչ օրս մեծ ժողովրդականություն է վայելում «Ես հանդիպել եմ մի աղջկա» երգը, որը գրել է խորհրդային ժողովրդական տաջիկ բանաստեղծ Միրզո Տուրսուն զադեն հատուկ ֆիլմի համար։ Ֆիլմի այս և բազմաթիվ այլ երգերի կատարողը Ռաուֆ Աթաքիշիևն է, կոմպոզիտորը՝ Անդրեյ Բաբաևը[1][2]։
Երկիր | ![]() |
---|---|
Ժանր | երաժշտական ֆիլմ |
Թվական | 1957 |
Լեզու | ռուսերեն |
Ռեժիսոր | Ռաֆայել Պերելշտեյն |
Սցենարի հեղինակ | Ելիզավետա Սմիրնովա |
Դերակատարներ | Ասլի Բուրխանով, Սոֆյա Տույբաևա, Աբդուլխայր Կասիմով, Տախիր Սաբիրով և Սամարիդին Սագդիև |
Օպերատոր | Յակով Կուլիշ |
Երաժշտություն | Անդրեյ Բաբաև |
Կինոընկերություն | Տաջիկֆիլմ |
Տևողություն | 91 րոպե |
Սյուժե
Ֆիլմի գլխավոր հերոսուհու՝ Լոլայի հրաշալի ձայնը գրավում է շատերի ուշադրությունը նրա հայրենի քաղաքում՝ սկսած քաղաքային երգչախմբի պրոֆեսիոնալներից, որոնք ձգտում են աղջկան տեսնել իրենց շարքերում, մինչև Սայիդը՝ սովորական աշխատավոր տղա, որը երկար կանգնում է նրա տան մոտ։ Բայց Լոլայի հայրը, ցանկանալով աղջկան զերծ պահել ցանկացած ոտնձգություններից, նրան գյուղ է ուղարկում՝ նույնիսկ չկասկածելով, որ սիրահար Սայիդը Լոլային կգտնի նաև այնտեղ[3]։
Դերերում
- Ասլի Բուրխանով – Մուխտար-աղա (կրկնօրինակումը՝ Լև Սվերդլինի)
- Ռոզա Ակոբիրովա[4] - Լոլա
- Ջախոն Սայիդմուրադով – Սաիդ (կրկնօրինակումը՝ Նիկոլայ Ալեքսանդրովիչի, վոկալը՝ Ռաուֆ Աթաքիշիև)
- Սոֆյա Թույբաևա[5] - Մեխրինիսո
- Աբդուլհայր Կասիմով – Նիյազ, թեյարանի տեր
- Թահիր Սաբիրով – Ալիմ, գեղարվեստական ինքնագործունեության ղեկավար
- Սամարիդդին Սաղդիև – կոշիկ մաքրող
- Սաոդատ Ջուրաևա – Զեբո
- Միխայիլ Արոնբաև – ոստիկան
- Ա. Նուրմատով – էլեկտրոմոնտյոր
- Ռանո Խամրաևա – էպիզոդ[6]
Մրցանակներ միջազգային կինոփառատոններում
- 1958 - «Մեծ վազ» մրցանակ Ասիայի և Աֆրիկայի երկրների առաջին միջազգային կինոփառատոնում[6]։