Մեծ պահանջարկ ունեցող տղամարդը (ֆիլմ)
«Մեծ պահանջարկ ունեցող տղամարդը» (անգլ.՝ Playing for Keeps), ռեժիսոր Գաբրիլե Մուչինոյի ֆիլմը։ Պրեմիերան Միացյալ Նահանգներում կայացել է 2012 թվականի դեկտեմբերի 7-ին, իսկ Ռուսաստանում՝ 2012 թվականի դեկտեմբերի 6-ին։
 անգլ.՝ Playing the Field | |
|---|---|
.jpeg) | |
| Երկիր |  ԱՄՆ |
| Ժանր | ռոմանտիկ կատակերգություն և ֆիլմ ֆուտբոլի մասին |
| Թեմա | ֆուտբոլ |
| Թվական | 2012 և դեկտեմբերի 6, 2012[1] |
| Լեզու | անգլերեն |
| Ռեժիսոր | Գաբրիլե Մուչինո[2][3][4][…] |
| Պրոդյուսեր | Ավի Լերներ, Ջերարդ Բաթլեր, Քևին Միշեր և Ջոնաթան Մոսթոու |
| Սցենարի հեղինակ | Robbie Fox? |
| Դերակատարներ | Ջերարդ Բաթլեր[3][4][5][…], Ջեսիկա Բիլ[3][5][6][…], Քեթրին Զետա-Ջոնս[3][5], Դենիս Քուեյդ[3][5][6][…], Ումա Թուրման[3][5][6], Ջուդի Գրիր[3][5], Ջեյմս Տապպեր[5], Իքբալ Թեբա[5], Նոահ Լոմաքս[5] և Սումայա Ակաաբուն |
| Օպերատոր | Փիթեր Մենզիս |
| Երաժշտություն | Andréa Guerra? |
| Կինոընկերություն | Nu Image, Millennium Films և Misher Films |
| Տևողություն | 113 րոպե |
| Պաշտոնական կայքէջ | |
Սյուժե
Շոտլանդիայի նախկին սպորտային աստղ Ջորջ Դրայերի (Ջերարդ Բաթլեր) կյանքում դժվար ժամանակներ են. նրանից հեռացել է կինը, կարիերան նույնպես լավ չի ընթանում։ Ջորջն առանձնապես ակտիվ կենսակերպ չի վարում և ավելի շատ համակերպվում է ստեղծված իրավիճակին։ Նա տեղափոխվում է Վիրջինիա, որտեղ կիրակի օրերին կարող է տեսնել իր 9-ամյա որդուն՝ Լյուիսին, և փորձել վերականգնել հարաբերությունները նախկին կնոջ՝ Սթեյսիի (Ջեսիկա Բիլ) հետ։ Այստեղ նա հայտնաբերում է, որ տեղական դպրոցի ֆուտբոլային թիմի մարզիչն ակնհայտորեն չի կարողանում կատարել աշխատանքը և առաջարկում է իր ծառայությունները։
Երիտասարդ մարզիկների մայրերը, որոնցից յուրաքանչյուրն ունի իր սեփական դժվար անձնական կյանքը, արագորեն նկատում են գրավիչ մարզչի հայտնվելը։ Փաթին, Դենիզը և Բարբը սիրախաղ են սկսում Ջորջի հետ և պայքարում նրա ուշադրությանն արժանանալու համար։ Դենիզը նույնիսկ դայակ է վարձում իր երեխաների համար, որպեսզի ոչինչ չխանգարի իր զարգացող սիրավեպին։ Դենիզը նրան մարզական մեկնաբանի աշխատանք է առաջարկում ESPN-ում։ Այդպիսի աշխատանքի մասին Ջորջը կարող էր միայն երազել։
Տղաների հետ ֆուտբոլով զբաղվելը աստիճանաբար փոխում է Ջորջի բնավորությունը։ Հանուն իր որդու և Սթեյսիի հետ մտերմության նա պատրաստ է գնալ զոհաբերությունների։
Դերերում
- Ջերարդ Բաթլեր - Ջորջ
- Ջեսիկա Բիլ - Սթեյսի
- Նոա Լոմաքս - Լյուիս
- Դենիս Քուեյդ - Կառլ
- Ումա Թուրման - Փեթի
- Քեթրին Զետա-Ջոնս - Դենիզ
- Ջեյմս Տապպեր - Մեթ
- Ջուդի Գրիր - Բարբ
Ստեղծում
2011 թվականի փետրվարի 23-ին հաստատվել է, որ Ջերարդ Բաթլերը ֆիլմում խաղալու է գլխավոր դերը[7], իսկ մայիսի 7-ին անցկացվել է քասթինգ[8]։
Նկարահանումներն սկսվել են 2011 թվականի մարտի վերջին Millennium Studios կինոստուդիայում և Լուիզիանայի Շրիվպորտ քաղաքում[9][10]։
2012 թվականի հուլիսի 16-ին FilmDistrict կինոստուդիան փոխել է ֆիլմի անվանումը՝ «Playing the Field»-ից դարձնելով «Playing for Keeps»[11]։