Ուլուգբեկ Ռաշիտով

2018 թվականին Ուլուգբեկ Ռաշիտովը արծաթե մեդալ է նվաճել 2018 թվականի ամառային պատանեկան Օլիմպիական խաղերում մինչև 48 կգ քաշային կարգում, որը տեղի է ունեցել Բուենոս Այրեսում (Արգենտինա)՝ եզրափակչում զիջելով Ռուսաստանի ներկայացուցիչ Դմիտրի Շիշկոյին^[4]։

2019 թվականին Ուլուգբեկը թեկվոնդոյի Ասիայի պատանեկան առաջնությունում նվաճել է ոսկե մեդալ մինչև 55 կգ քաշային կարգում^[5]։ Նույն տարում ոսկե մեդալ է նվաճել 2019 թվականի Համաշխարհային բանակային խաղերում մինչև 58 կգ քաշային կարգում՝ եզրափակչում հաղթելով չինացի Լյան Յուշուային։

2021 թվականին թեքվոնդոյի ասիական օլիմպիական ընտրական մրցաշարում (Ամման, Հորդանան) ստացել է Տոկիոյի (Ճապոնիա) XXXII Ամառային օլիմպիական խաղերի ուղեգիր^[6]։

2020 թվականի Ամառային օլիմպիական խաղերում հանդես է եկել մինչև 68 կգ քաշային կարգում։ Որակավորման փուլում հաղթել Է Մալիի մարզիկ Սեյդու Ֆոֆանին^[7]։ 1/8 եզրափակչում հաղթել է Հարավային Կորեան ներկայացնող կրկնակի օլիմպիական մրցանակակիր Լի Դե Հունին^[8]։ Կիսաեզրափակչում դայան է դուրս եկել Նեդզադ Խուշիչի (Բոսնիա և Հերցեգովինա) դեմ և վստահ հաղթանակ տարել 28:5 հաշվով^[9]։ Եզրափակիչում 34:29 հաշվով հաղթել է բրիտանացի թեքվոնդիստ Բրեդլի Սինդենին^[10]՝ նվաճելով Օլիմպիական խաղերի առաջին ոսկե մեդալը թեքվոնդոյից Ուզբեկստանի հավաքականի պատմության մեջ։