Ջեյմս Ֆորեսթ

Ջեյմսը ծնվել է 1991 թվականի հուլիսի 7-ին շոտլանդական Գլազգո քաղաքում։

Համարվում է «Սելտիկ» ակումբի սան, որի ակադեմիա տեղափոխվել է 2003 թվականին, երբ 12 տարեկան էր։ 2009 թվականին Ֆորեսթը Միջազգային երիտասարդական առաջնությունում (անգլ.՝ International Youth Tournament) խաղալով, ֆուտբոլային հասարակության ուշադրությունը իր կողմը թեքեց։ «Սելտիկը» և արդեն հայտնի Ջեյմսի հետ հաջող անցկացրեց առաջնությունը. հաղթեցին իրենց բոլոր հակառակորդներին, որոնց թվում էին Մադրիդի «Ռեալի», իտալական «Միլանի» երիտասարդական թիմերը^[3]։

Այդ տարվա օգոստոսի 30-ին Ֆորեսթը «Կելտերի» հետ իր առաջին պրոֆեսիոնալ պայմանագիր է կնքել։ Պայմանագիրը կնքվեց 4 տարվա համար^[4]։

2010 թվականի մայիսի 1-ին Ջեյմսը նորամուտը նշեց «Սելտիկի» հիմնական կազմում։ «Մոտերուելի» դեմ խաղի 87-րդ րոպեին փոխարինման դուրս գալով Էյդեն Մակդիգի փոխարեն, Ֆորեսթը ստանալով առաջին փոխանցումը 87-րդ րոպեին դարձավ գոլի հեղինակ։ Խաղը ավարտվեց «Սելտիկի» հաղթանակով (4:0)^[5]։ Հուլիսի 28-ին Ջեյմսը պորտուգալական «Բրագայի» դեմ խաղում փոխարինման դուրս գալով Էֆրաին Խուարեսի փոխարեն նորամուտը նշեց Չեմպիոնների Լիգայում^[6]։ Մի քանի օր անց Ֆորեսթը «Emirates Cup»-ում տեղի ունցած ֆրանսիական «Լիոնի» դեմ խաղում ստացավ «Խաղի լավագույն ֆուտբոլիստ» կոչումը^[7]։ 2010-11 մրցաշրջանի սկզբում Ջեյմսը հաճախ էր հայտնվում հիմնական կազմում։ Օգոստոսի 28-ին և սեպտեմբերի 11-ին Ֆորեսթը «Սենտ Միրրեն» և «Հարթ օֆ Միդլոտիան» ակումբներին գոլ խփեց^[8][9]։ «Սրտերի» հետ խաղից անմիջապես հետո Ջեյմսը ստացավ շոտլանդական Պրեմիեր Լիգայի օգոստոս ամսվա լավագույն ֆուտբոլիստ կոչումը^[10]։ 2011 թվականի հունվարի 28-ին Ֆորեսթը «Սելտիկի» հետ պայմանագիրը 5 տարով երկարաձգեց^[11]։

2011 թվականի հուլիսի 24-ին Ֆորեսթը փոխարինման դուրս գալով Քրիս Կոմմոնսի փոխարեն «Հիբերնիանի» դեմ խաղում նորամուտը նշեց 2011-12 մրցաշրջանում^[12]։ Օգոստոսի 13-ին Ջեյմսը նոր ֆուտբոլային տարում իր գոլերի ցուցակը բացեց, աչքի ընկնելով «Դանդի Յունայթեդի» դեմ խաղում։ Խաղը ավարտվեց 5:1 «կելտերի» հաղթանակով^[13]։ Մեկ ամսից դեռ չէր լրացել և հարձակվողը «Մոտերուելոմի» դեմ խաղում դուբլ ձևակերպեց^[14]։ Այդ խաղից հետո «Սելտիկի» ավագ Սքոթ Բրաունը հայտարարեց, որ Ֆորեսթը համարվում է ակումբի ակադեմիայի լավագույն սանը Էյդեն Մակգիդի ժամանակներից սկսած^[15]։ Հոկտեմբերի 22-ին Ջեյմսը իր կարիերայում երկրորդ անգամ արժանացավ շոտլանդական Պրեմիեր Լիգայի ամսվա լավագույն ֆուտբոլիստ կոչմանը^[16]։ Այդ մրցանակը նրան հանձնեցին նաև նոյեմբեր ամսին^[17]։

Ակումբ	Մրցաշրջան	Առաջնություն		Գավաթ		Լիգայի գավաթ		Եվրոգավաթ		Ընդհանուր
		Խաղ	Գոլ	Խաղ	Գոլ	Խաղ	Գոլ	Խաղ	Գոլ	Խաղ	Գոլ
Սելտիկ	2009-10	2	1	—	—	—	—	—	—	2	1
	2010-11	19	3	3	0	—	—	3	0	25	3
	2011-12	29	7	2	0	4	2	8	0	43	9
	2012-13	13	2	2	1	1	0	9	0	25	3
Ընդհանուր «Սելտիկի» կազմում		63	13	7	1	5	2	19	0	95	16
Ամբողջ կարիերայի ընթացքում		63	13	7	1	5	2	19	0	95	16

(վերանայվել է 2013 թվականի մարտի 6-ին)

Ֆորեսթը խաղացել է Շոտլանդիայի բոլոր երիտասարդական հավաքականներում սկսած 15 տարեկաններից։ Նորամտուը մինչև 19 տարեկանների թիմում տեղի է ունեցել 2008 թվականի հոկտեմբերի 20-ին, երբ «փոքր բրիտանացիները» մինչև 19 տարեկանների Եվրոպայի առաջնությունում հանդիպեցին Ադրբեջանի մինչև 19 տարեկանների թիմին^[18]։

2010 թվականի օգոստոսի 24-ին 19-ամյա Ջեյմսը հրավիրվեց ազգային հավաքականի երիտասարդական թիմ^[19]։ Սեպտեմբերի 7-ին «Սելտիկի» հարձակվողը Ավստրիայի երիտասարդական հավաքականի դեմ խաղի 71-րդ րոպեին փոխարինման դուրս եկավ Դևիդ Ուոտերսպունի փոխարեն։ Հանդիպման վերջնամասում Ֆորեսթը գոլային փոխանցում կատարեց Քրիս Մագուայրին։ Այդ գոլը շոտլանդացիներին խաղում հաղթանակ բերեց^[20]։

2011 թվականի միջնամասում Շոտլանդիայի հավաքականի մարզիչ Կրեյգ Լևեյնը առաջին անգամ Ջեյմսին հրավիրեց ազգային հավաքականի հիմնական կազմ մասնակցելու 2011 թվականի ազգային գավաթի շրջանակներում տեղի ունեցած Ուելսի և Իռլանդիայի հավաքականների դեմ խաղերին^[21]։ Մայիսի 29-ին երիտասարդ կիսապաշտպանը նորամուտը նշեց ազգային հավաքականում։ Նա խաղադաշտ էր դուրս եկել մեկնարկային րոպեներից և խաղաց 85 րոպե^[22]։

Խաղերը և գոլերը Շոտլանդիայի հավաքականի կազմում  

№	Ամսաթիվ	Անցկացման վայր	Հակառակորդ	Հաշիվ	Ֆորեսթի գոլերը	Առաջնություն
1	29 մայիսի, 2011 թվական	«Ավիվա», Դուբլին, Իռլանդիա	Իռլանդիա	0:1	—	2011 թվականի միջազգային գավաթ
2	10 օգոստոսի, 2011 թվական	«Հեմպդեն Պարկ», Գլազգո, Շոտլանդիա	Դանիա	2:1	—	Ընկերական խաղ
3	8 հոկտեմբերի, 2011 թվական	«Ռեյնպարկ ստադիոն», Վադուց, Լիխտենշտայն	Լիխտենշտեյն	1:0	—	Եվրո 2012-ի նախընտրական փուլ
4	11 հոկտեմբերի, 2011 թվական	«Խոսե Ռիկո Պերես», Ալիկանտե, Իսպանիա	Իսպանիա	1:3	—	Եվրո 2012-ի նախընտրական փուլ
5	29 փետրվարի, 2012 թվական	«Բոնիֆիկա», Կոպեր, Սլովենիա	Սլովենիա	1:1	—	Ընկերական խաղ
6	8 սեպտեմբերի, 2012 թվական	«Հեմպդեն Պարկ», Գլազգո, Շոտլանդիա	Սերբիա	0:0	—	ԱԱ 2014-ի նախընտրական փուլ
7	11 սեպտեմբերի, 2012 թվական	«Հեմդեն Պարկ», Գլազգո, Շոտլանդիա	Մակեդոնիա	1:1	—	ԱԱ 2014-ի նախընտրական փուլ

Ընդհանուր։ 7 խաղ/ 0 գոլ; 2 հաղթանակ, 3 ոչ ոքի, 2 պարտություն.

(2012 թվականի սեպտեմբերի 11-ի տվյալներով)

(2012 թվականի սեպտեմբերի 11-ի տվյալներով)

«Սելտիկ»

Պրոֆեսիոնալ կարիերա

• Շոտլանդիա չեմպիոն (3)։ 2011-12, 2012-13, 2013-14
• Շոտլանդիայի գավաթի հաղթող (2)։ 2010-11, 2012-13
• Շոտլանդական լիգայի գավաթի հաղթող։ 2014-15
• Շոտլանդական լիգայի գավաթի եզրափակչի մասնակից։ 2011-12

Շոտլանդիայի հավաքական

• Միջազգային գավաթի արծաթե մեդալակիր։ 2011

• Շոտլանդական Պրեմիեր Լիգայի ամսվա լավագույն ֆուտբոլիստ (3)։ 2010 թվականի օգոստոս, 2011 թվականի սեպտեմբեր, 2011 թվականի նոյեմբեր
• Շոտլանդիայի ֆուտբոլի պրոֆեսինալ ասոցացիայի վարկածով տարվա լավագույն երիտասարդ ֆուտբոլիստ։ 2012
• Շոտլանդական ֆուտբոլային ասոցացիայի լրագրողների վարկածով տարվա լավագույն երիտասարդ ֆուտբոլիստ։ 2012

Ջեյմսի փոքր եղբայրը՝ Ալան նույնպես ֆուտբոլիստ է։ Խաղում է «Սելտիկի» երիտասարդական թիմում^[23]։

• Ցուցանիշները soccerbase.com կայքում (անգլ.)
• Ֆորեթի էջը «Սելտիկի» պատշոնական կայքում (անգլ.)
• Պրոֆիլը transfermarkt.com կայքում(անգլ.)
• Ֆորեթի էջը worldfootball.net-ում (անգլ.)
• Ֆորեթի էջը footballdatabase.eu-ում (անգլ.)
• Ջեյմս Ֆորեսթի էջը Շոտլանդիայի ֆուտբոլային ասոցացիայի կայքում (անգլ.)
• Վիճակագրութունը National Football Teams կայքում(անգլ.)

Վիքիպահեստն ունի նյութեր, որոնք վերաբերում են «Ջեյմս Ֆորեսթ» հոդվածին։