Վեսթսայդյան պատմություն (ֆիլմ, 2021)
«Վեսթսայդյան պատմություն» (անգլ.՝ West Side Story), 2020 թվականի ամերիկյան ռոմանտիկ երաժշտական ֆիլմ, որի ռեժիսորը Սթիվեն Սփիլբերգն է, իսկ սցենարիստը՝ Թոնի Քուշները։ Ֆիլմը Արթուր Լորենթսի, Լեոնարդ Բերնսթայնի և Սթիվեն Սոնդհեյմի նույնանուն բրոդվեյական մյուզիքլի ադապտացիան է, որը հիմնականում կենտրոնանում է Ուիլյամ Շեքսպիրի «Ռոմեո և Ջուլիետ» ողբերգությանը[7][8]։ Ֆիլմի սցենարն ավելի մոտ է լինելու բրոդվեյական մյուզիքլի սցենարին, քան 1961 թվականի ադապտացիային, որի ռեժիսորներ էին Ռոբերտ Վայզը և Ջերոմս Ռոբինսը[9]։ Ֆիլմի գլխավոր դերերում են Էնսել Էլգորթը և Ռեյչել Զեգլերը՝ Արիանա ԴեԲոուզի, Դավիդ Ալվարեզի, Քորի Սթոլի և Բրայան դ’Արսի Ջեյմսի հետ միասին։ Ֆիլմին նաև մասնակցում է Ռիտա Մորենոն՝ 1961 թվայանի բնօրինակ ֆիլմի աստղը, ով այստեղ կատարելու է երկրորդական դեր։
Ֆիլմի պրեմիերան տեղի է ունեցել 2021 թվականի դեկտեմբերի 10-ին[10][11]։
Սյուժե
Դեռահասներ Թոնին և Մարիան, չնայած տեղի փողոցային ավազակախմբերի՝ սպիտակ Ջեթերի և պուերտոռիկյան Շարքերի հետ կապեր ունենալուն, սիրահարվում են 1950-ական թվականների Նյու Յորքում[9]։
Դերասանական կազմ
- Էնսել Էլգորթ՝ Թոնի[12]
- Ռեյչել Զեգլեր՝ Մարիա[12]
- Արիանա ԴեԲոուզ՝ Անիտա[12]
- Դավիդ Ալվարեզ՝ Բերնարդո[12]
- Քորի Սթոլ՝ ոստիկանության լեյտենանտ Շրանք[12]
- Բրայան դ’Արսի Ջեյմս՝ ոստիկանության սերժանտ Քրուփքե[12]
- Ռիտա Մորենո՝ Վալենտինա[12]
- Մայք Ֆեսյթ՝ Ռիֆ[12]
- Քըրթիս Քուք՝ Էյբի[13]
Ջեթեր
- Էզրա Մենաս՝ Էնիբըդիս
- Բեն Քուք՝ Մաուսփիս
- Սին Հարիսոն Ջոնս՝ Էքշն
- Փաթրիք Հիգինս՝ Բեյբի Ջոն
- Փալոմա Գարսիա-Լի՝ Գրացիելա
- Մեդդի Զիգլեր՝ Վելմա[14]
Շարքեր
Արտադրություն
Սթիվեն Սփիլբերգը առաջին անգամ հետաքրքրություն է հայտնել դառնալ «Վեսթսայդյան պատմություն» ֆիլմի ռեմեյքի ռեժիսորը 2014 թվականի մարտին։ 20th Century Fox-ը ձեռք է բերել նախագծի բոլոր իրավունքները[15]։ Թոնի Քուշները, ով մինչ այդ աշխատել է Սփիլբերգի հետ 2005 թվականի «Մյունխեն» և 2012 թվականի «Լինքոլն» ֆիլմերի վրա, հայտնելով 2017 թվականի հուլիսին, որ նա գրում է ֆիլմի սցենարը, և, որ ֆիլմն ավելի նման է լինելու բնօրինակ մյուզիքլին, ոչ թե 1961 թվականի ֆիլմին[16][17]։
2018 թվականի հունվարին հայտարարվել է, որ Սփիլբերգը դառնալու է ֆիլմի ռեժիսորը, «Ինդիանա Ջոնս» շարքի հինգերորդ ստեղծագործության նկարահանումներից հետո[18]։ Այս հայտարարությանը հաջորդել է բաց քասթինգը Մարիայի, Թոնիի, Անիտայի և Բերնարդոյի դերերի համար[19]։ Լրացուցիչ բաց քասթինգը տեղի է ունեցել ապրիլին Նյու Յորքում և մայիսին՝ Ֆլորիդա նահանգի Օռլանդո քաղաքում[20]։ Հուլիսին «Ինդիանա Ջոնս» շարքի հինգերորդ ֆիլմի նկարահանումները հետաձգվել են, ինչը թույլ է տվել Սփիլբերգին զբաղվել «Վեսթսայդյան պատմություն» ֆիլմի նախարտադրությամբ[21]։
Ջասթին Փեքին վարձել են 2018 թվականի սեպտեմբերին ֆիլմի խորեոգրաֆիայի, իսկ Էնսել Էլգորթին՝ Թոնիի դերի համար[22][23]։ Նոյեմբերին Էյզա Գոնզալեզը դարձել է Անիտայի դերի համար գլխավոր թեքնածուներից մեկը[24]։ Ռիտա Մորենոն ընտրվել է Վալենտինայի՝ Դոքի կերպարի վերամշակված տարբերակի դերում[25]։ 2019 թվականի հունվարին նորեկ Ռեյչել Զեգլերն ընտրվել է Մարիայի դերի համար՝ Արիանա ԴեԲոուզի, Դավիդ Ալվարեզի և Ջոշ Անդրես Ռիվերայի հետ միասին՝ համապատասխանաբար Անիտայի, Բերնարդոյի և Չայնոյի դերերի համար[26]։ 2019 թվականի մարտին Քորի Սթոլը և Բրայան դ’Արսի Ջեյմսը միացել են դերասանական կազմին[27]։ Մեկ ամիս անց հայտարարվել են Ջեթերի և Շարքերի մնացած դերակատարները[28]։
Երգահան Դևիդ Նյումանն ընտրվել է ֆիլմի համար Բերնսթայնի բնօրինակ սաունդթրեքի ադապտացիայի համար։ Գուստավո Դուդամելը՝ Լոս Անջելեսի ֆիլարմոնիկ երգչախմբի երաժշտական ռեժիսորը, նույնպես ներառվել է սաունդթրեքի ձայնագրման աշխատանքներին, իսկ Ջիանին Թեսորին՝ որպես վոկալի ուսուցիչ[29]։
Նկարահանումներ
2019 թվականի հունիսի 17-ին սկսել է նկարահանման ընթացքը[30]։ Այն շարունակվել է Նյու Յորքում և հյուսիսային Նյու Ջերսիում[31] և ավարտվել է 2019 թվականի սեպտեմբերի 27-ին[32]։
Թողարկում
Ֆիլմի պրեմիերան տեղի է ունեցել 2021 թվականի դեկտեմբերի 10-ին։
Ծանոթագրություններ
Արտաքին հղումներ
- «Վեսթսայդյան պատմություն (ֆիլմ, 2021)»(անգլ.) ֆիլմը Internet Movie Database կայքում