Հարսանիք թիկունքում (ֆիլմ)

ֆիլմ

«Հարսանիք Թիկունքում» ներկայացումը էկրանավորվել է 2020 թվականին։

Հարսանիք թիկունքում
Երկիր{{{2}}} Հայաստան
Ժանրմելոդրամա
Պրեմիերա2021թ հունվարի 28
Լեզուհայերեն
ՌեժիսորԱրշալույս Հարությունյան
ՊրոդյուսերԱրման Միտոյան
Սցենարի հեղինակԱնահիտ Աղասարյան
ՕպերատորՍուրեն Թադևոսյան
ԵրաժշտությունՀայկո
ՆկարիչներԳարեգին Եվանգուլյան և Լուսինե Խաչատրյան
Կինոընկերություն«Միտոյան Պրոդաքշն»
Պաշտոնական կայքէջ
Թրեյլերhttps://www.youtube.com/watch?v=Pt5TlFdE1XA

Կինոնկարի երևանյան առաջին ցուցադրությունը տեղի է ունեցել 2021 թվականի հունվարի 28-ին, «Կինոպարկ» կինոթատրոնում։

Ֆիլմը նվիրվում է հայ զինվորին։

Սյուժե

«Հարսանիք թիկունքում» ֆիլմի իրադարձությունները ծավալվում են 2016 թվականին տեղի ունեցած Ապրիլյան պատերազմի ժամանակ։ Ֆիլմը 2016-ի ապրիլյան քառօրյա պատերազմում Թալիշում զոհված գյումրեցի Հրաչ Գալստյանի մասին է։ Գործողությունները տեղի են ունենում ոչ թե մարտի դաշտում, այլ թիկունքում։ Սյուժեի հիմքում գյումրեցի ընտանիքի պատմություն է, որտեղ պատրաստվում են գերդաստանի միակ արու զավակին ամուսնացնել։ Ներկայացվում են ապրիլի 2-ի դեպքերը, թե ինչպես են հարսանիքին գալիս ընտանիքի՝ արտագաղթած և աշխարհի տարբեր ծայրերում ապրող հարազատները։ Սակայն, ցավոք, պատերազմի հետևանքով հարսանիքը կիսատ է մնում, հերոսը ստիպված թողնում է հարսնացուին ու մեկնում ռազմադաշտ։ Առանց կրակոցի, առանց վառոդի հոտի, առանց խրամատի ու մահվան տեսարանի. ընդամենը մեկ ընտանիքի պատմության միջոցով ներկայացվում է ապրիլյան քառօրյայի ողջ ողբերգությունը՝ միաժամանակ շեշտելով, որ չնայած ծանր փորձությանը՝ կյանքը շարունակվում է[1]։

Ֆիլմի մասին

Գյումրու դրամատիկական թատրոնի ամենապահանջված «Հարսանիք թիկունքում» ներկայացումը արդեն որպես ֆիլմը մեծ էկրան է բարձրացել հունվարին։

65 անգամ հանդիսատեսին ներկայացված բեմադրությունը դեռ պահանջված էր հանդիսատեսի կողմից։ Քանի որ այն դիտելու ցանկություն ունեին նաև սփյուռքում, որոշվեց ներկայացման հիման վրա ֆիլմ նկարել նույն դերասանական կազմով։ Այս ֆորմատով առաջին անգամ է Հայաստանում ֆիլմ նկարահանվում, ասում է ռեժիսոր Արշալույս Հարությունյանը[2]։

Ֆիլմի թրեյլերը

https://www.youtube.com/watch?v=Pt5TlFdE1XA

Ծանոթագրություններ

3. https://escs.am/am/news/7727

Դիտել ֆիլմն առցանց