Gikan sa Bikol Sentral na Wikipedia, an talingkas na ensiklopedya
Si Floyd Mayweather, Jr. (namundag, Floyd Joy Sinclair, Pebrero 24, 1977) sarong Amerikanong propesyonal na boksyador. Hanggan ngonyan dai pa siya nadadaog sa laban asin siya 5-dibisyon kampyon pankinaban, huli ginana niya an sampolong titulong pangkinaban asin an kamponeato lineal sa apat na iba-ibang timbang. Si Mayweather 2-beses Ring magazine Figther of the Year (ginana ini kan 1998 asin 2007); ginana niya man an Boxing Writers Association of America (BWAA) Fighter of the Year na gawadkan 2007 asin an Best Fighther ESPY Award kan taon 2007, 2008, 2010, 2012, asin 2014.
Si Mayweather iyo ngonyan an WBC, WBA, asin Ring kampyon sa welterweight, asin an WBC Super, saka Ring junior middle weight na kampyon. Siya man nababansagan asin tinutubod na libra-por-librang boksyador kan dakul na websayt sa isport na pamareta asin boksing, kaiba na diyan an Ring, Sports Illustrated, ESPN, BoxRec, Fox Sports asin Yahoo! Sports. Si Mayweather yaon sa alitoktok sa lista nin 50ng pinakahalangkaw na binabayaran na atleta sa kinaban sa pagtubod kan Forbes asin Sports Illustrated kan taon 2014.
Ngonyan na Mayo 2, 2015 (Mayo 3 sa oras Filipinas), makakasa'bitan niya sa 12-hurnadang buntolan si Manny Pacquiao sa tinutubod na iyo na an "Laban nin Siglo", asin pinakamahal sa isports nin Suntokan. Hinuhuna na mahakot ini nin $72 milyon sa pabakal nin tiket, asin sa kabiyoan madara sa bulsa ni Maywether nin mga $180 milyon sa tinutubod na $300 milyon na malaog sa pitaka, an tada kaini ($120 milyon) madagos sa bulsa ni Pacquiao, sa hirirasan na 60%-40%.[1]
Kan Mayo 1, sa primerong pangyayari sa historya nin Suntokan, an simpleng pagtimbang kan duwang boksyador pighagadan bayad an mga paradalan. An tiket sa pagdalan kaini pigpresyohan $10.00, asin ta 11,500 katawo an nagdaralan nanggad, dawa ngane totoo sinabi na anoman na benta igdi, idodonar sa charity. Sa Las Vegas, labilabi an pagkamahal na kan tiket sa sinasabing "Laban nin Siglo", mala ta nagpepresyo an tiket sa pinakahalangkaw $7,500.00 asin sa pinakabarato $1,500.[2][3]
vs. Mannny Pacquiao
Si laban niya ki Pacquiao kaining Mayo 2, siya an malinaw na guminana huli sa pinagkaoyonan na desisyon kan tolong hurado: 118-110, 116-112, asin 116-112.