Un zombi[1] (en crioulo haitiano: zonbi, e en francés haitiano: zombi) é un corpo morto que volve á vida mediante bruxería.[2] O concepto está popularmente asociado co vudú haitiano, pero non forma parte das prácticas formais da relixión.
De acordo coas crenzas, un houngan, bokor ou feiticeiro vudú, sería quen de resucitar a un morto, que quedaría sometido en adiante á vontade da persoa que o devolve á vida.[3]
Coloquialmente, e en senso figurado, zombi úsase para designar a quen fai as cousas mecanicamente como se estivese privado de vontade.
