David is a masterpiece o Renaissance sculptur creatit in merble atween 1501 an 1504 bi Michelangelo. David is a 5.17-metre (17.0 ft)[a] merble statue o a staundin male nude. The statue represents the Biblical hero David, a favoured subject in the art o Florence.[1]
David wis oreeginally commissioned as ane o a series o statues o prophets tae be poseetioned alang the ruifline o the east end o Florence Cathedral, but wis insteid placed in a public square, ootside the Palazzo Vecchio, the seat o ceevic govrenment in Florence, in the Piazza della Signoria whaur it wis unveiled on September 8, 1504.
Acause o the naitur o the hero it representit, the statue suin cam tae seembolise the defence o ceevil leeberties embodied in the Republic o Florence, an independent ceety-state threitened on aw sides bi mair pouerfu rival states an bi the hegemony o the Medici faimily. The een o David, wi a wairnin glare, war turned taewart Roum.[2] The statue wis muived tae the Galleria dell'Accademia, Florence, in 1873, an later replaced at the oreeginal location bi a replica.
