| Александр Курамшин | |
|---|---|
 | |
| Туган | 20 гыйнвар 1984(1984-01-20) (40 яшь) Казан, Татарстан, Россия |
| Ватандашлыгы |  Россия Федерациясе |
Александр Равил улы Курамшин (1984 елның 20 гыйнвары, Казан, Татарстан, Россия) — Россия су-мотор транспорты пилоты, экстремаль спорт төре — аквабайкта Freestyle категориясендә профессиональ спортчы.
Ун тапкыр Россия Кубогы иясе (2004—2012) (2014—2015), IJSBA дөнья чемпионы (2010)[1], UIM Европа вице-чемпионы (2019)[2], Freestyle категориясендә аквабайк буенча Россия чемпионы (2013)[3].
Аквабайк буенча халыкара класслы спорт мастеры исеменә ия.
Александр Курамшин радиоинженер (әтисе) һәм педагог (әнисе) гаиләсендә 1984 елның 20 гыйнварында Казанда туган. 113 нче номерлы мәктәпне тәмамлый, 9-11 нче сыйныфка кадәр полиция сыйныфында укый. Мәктәптән соң Туполев исемендәге КНИТУга (КАИ) «икътисад һәм җитештерүдә идарә» белгечлеге буенча укырга керә.
Профессиональ спортка 2004 елда, 21 яшендә килә.
Аквабайкларны ремонтлау һәм җыю остаханәсе бар. Тренерлык эшчәнлеген алып бара. Татарстанның Су-мотор спорты федерациясендә аквабайк үсеше өчен җавап бирүче бүлек җитәкчесе. «Динамо-Татарстан» ФСО пилотлары составына керә.
Хатыны — Венера Курамшина. 2017 елның 21 сентябрендә кызы Николь туа.
