Pol discramiaedje des årtikes avou l' mot « voyaedjåjhe », loukîz cial.
Li voyaedjåjhe des aclevåvès biesses u voyaedjåjhe såjhonrece u tranzumance, c’ est l’ bodjaedje å lon d’ on tropea d’ aclevåvès biesses d’ ene plaece a l’ ôte, foirt lon del prumire, po shuve li crexhaedje des plantes di nourixhmint.
Po les bedots et les gades, li voyaedjåjhe si fwait sovint inte deus plaeces, ene d’ esté et l’ ôte d’ ivier. Po les moxhes al låme, gnè pout awè puzieurès plaeces, sorlon l’ aparexhaedje des fleurs.
Les bedots polèt rapoirter des maladeyes atrapêyes sol les waidiaedjs d’ esté (la k’ i sont bråmint pus maxhîs) eviè les viyaedjes, la k’ i pasnut l’ ivier.
Les moxhes al låme polnut ossu fé passer d’ ene plaece a l’ ôte les maladeyes des åbes ås fruts, come li feu bacteryin des poerîs et pemîs.