Europebet
Europebet — ქართული გემბლინგ კომპანია, რომელიც დაარსდა 2010 წლის ნოემბერში.[1] 2015 წლიდან Europebet საერთაშორისო კომპანია Bettson Group-ის წევრია. Europebet მომხმარებლებს სხვადასხვა პროდუქტს სთავაზობს, როგორებიცაა სპორტბეთინგი, ონლაინ-სამორინე, პოკერი, ბლექჯეკი, რულეტები, სლოტ თამაშები, კენო და რეგიონის კლასიკური თამაშები — ნარდი, დომინო, ბურა და სეკა. კომპანიაში ამჟამად დასაქმებულია 365 საშტატო თანამშრომელი და 200-მდე კონტრაქტორი.
 ევროპაბეთის ოფიციალური ლოგო | |
| ტიპი | შვილობილი |
|---|---|
| დარგი | აზარტული თამაშები |
| დაფუძნდა | 2010 |
| სათავო ოფისი | თბილისი, საქართველო |
| პროდუქცია | სლოტ-თამაშები, რულეტი, სპორტბეთინგი, პოკერი |
| მფლობელი | Bettson Group |
| თანამშრომელი | 565 |
| რეგისტრაცია | სავალდებულო |
| საიტი | europebet.com/ka |
ევროპაბეთი დაარსდა 2010 წელს და ოპერირებდა ოფლაინ სეგმენტზე — სლოტების სათამაშო აპარატები და ტოტალიზატორები. 2010 წელს გაეშვა ონლაინ ვერსია, სპორტის და კაზინოს პროდუქტებით. 2011 წელს ევროპაბეთს დაემატა ონლაინ-პოკერი, ხოლო იმავე წელს დაემატა პოპულარული თამაში — ნარდი. 2012 წელს დაემატა ონლაინ-სლოტები.[1]
2015 წლის ივნისში 100%-იანი მართვის უფლებით, ევროპაბეთი მილიონ 50 მილიონი დოლარის სანაცვლოდ შეიძინა შვედურმა საერთაშორისო კომპანია Bettson Group-მა.[2] Bettson Group-ის განცხადებით 35 მილიონი აშშ დოლარის ინვესტირება 1 წლის შემდგომ მოხდება იმ პირობით, თუ სათამაშო რეგულაციები არ შეიცვლება.[3] 2018 წელს ევროპაბეთმა შექმნა სპორტული პორტალი Popsport.com, იმავე წელს კი შექნნა მუსიკალური პორტალი Popmusic.ge.
ევროპაბეთის სალაროები ხელმისაწვდომია 10 დიდ ქალაქში: თბილისში, რუსთავში, ბათუმში, ქუთაისში, ფოთში, ხაშურში, ოზურგეთში, ჭიათურაში, გორსა და თელავში.
Europebet-ის კაზინოთი და სლოტ-კლუბით სარგებლობა შესაძლებელია თბილისში, ბათუმში, თელავსა და ოზურგეთში. ევროპაბეთის ტოტალიზატორი ხელმისაწვდომია თბილისში, ბათუმში, ქუთაისში, ფოთში, ხაშურში, ოზურგეთსა და თელავში[4]
2014 წლიდან ევროპაბეთის მინი ფეხბურთის გუნდი მონაწილეობას იღებს ბიზნეს ჩემპიონთა ლიგაზე.[5] გუნდი ზედიზედ 3 წლის განმავლობაში ტურნირის ფინალისტია.
2015 წელს ევროპაბეთის პოკერ რუმები მსოფლიოს ერთ-ერთი უმსხვილესი ტურნირის WPT (World Poker Tour) მასპინძელი გახდა.[3] WPT ტურნირებში მონაწილეობა 500-ზე მეტმა მოთამაშემ მიიღო. WPT ტურნირის საერთო საპრიზო ფონდმა 200 ათასი დოლარი შეადგინა.[6][7]
2016 წელს ევროპაბეთმა ნარდის საერთაშორისო ტურნირს „Backgammon World Cup“-ს უმასპინძლა. ტურნირი ევროპაბეთსა და „Backgammon Club“-ის ორგანიზატორობით ჩატარდა და საპრიზო ფონდი 120 ათასი დოლარი იყო.[8]
ევროპაბეთის პარტნიორები არიან: SB Betting,[9] Betradar,[10] Nsoft, Betgenius,[11] Evolution gaming,[12] GCompany, EGT, NetEnt,[13] Novomatic, Yggdrasil, Igrosoft, iSofBet, Pragmatic, Play’n GO, Playson, Endorphina[14] და QuickFire.