Негізгі жасушалар

Негізгі жасушалар (главные клетки) — организм мүшелерінің құрамында кездесетін және белгілі бір қызметтер атқаратын торшалар. Қарынның кардиальды және фундальды (қарын түбі) бездер құрамындағы негізгі жасушалар қарын сөлі құрамына профермент пепсиноген мен фермент химозин, сүт протеинін ыдырататын фермент ренин бөліп шығарады. Қалқаншамаңы безіндегі ашық түсті негізгі жасушалар паратирин гормонын бөледі. Гипофиздің алдыңғы бөлігіндегі солғын түске боялған (хромофобты) негізгі жасушалар — жетілмеген жас камбиальды жасушалар. Олардан гипофиздің алдыңғы бөлігіндегі гормондар түзетін базофилді, оксифилді клеткалары дамып жетіледі. Эпифиздің ашық түсті негізгі жасушалары (пинеалоциттер) серотонин, мелатонин және протеинді гормон пинеальды антигона- дотропин бөліп шығарады.^[1]