Қуаныш Сұлтанұлы Сұлтанов

Сұлтанов 1945 жылғы 12 мамырда Талдықорған облысы Панфилов ауданының Еңбекші ауылында туған.

С.М. Киров атындағы Қазақ мемлекеттік университетінің журналистика факультетін (1972) журналист мамандығы бойынша, КОКП ОК жанындағы Қоғамдық ғылымдар академиясын (1986) бітірген.

Саяси ғылымдардың кандидаты (1996), докторы (2001). Докторлық диссертациясының тақырыбы: «Қазақстандағы және Қытайдағы реформалардың ерекшеліктері: салыстырмалы талдау». Қазақстан саяси ғылымдар академиясының академигі (1997). Қытай ғылым академиясы мен Қарағанды мемлекеттік университетінің құрметті профессоры. Қазақстан президенті жанындағы Мемлекеттік басқару академиясының профессоры (2003 жылдан).^[1]

Әскери атағы — полковник.

Мансабын 1961 жылы Сұлтанов Сарыөзек ауданаралық баспаханасында баспахана жұмыскері ретінде бастады, 1963 жылдан ол — аудандық газеттерде түзетуші, әдеби қызметкер, бөлім меңгерушісі болса, 1964 жылдан Кеңес Әскерінің қатарында қызметте болды.

1967 жылы ол Панфилов аудандық комитеттің бірінші хатшысы болып тағайындалды да, 1973 жылы ол Қазақстан ЛКЖО Талдықорған облыстық комитетінің бірінші хатшысы болды. 1976 жылдан бастап Сұлтанов Қазақстан ЛКЖО ОК хатшысы, бірінші хатшысы болса, 1981 жылдан ол Қазақстан Компартиясы ОК Мәдениет бөлімінің меңгерушісі болған.

1983 жылдан Қуаныш Сұлтанов — Қазақстан Компартиясы ОК ұйымдастырушылық-партия жұмыстары бөлімінің меңгерушісі болды да, 1987 жылдан бастап ол — Қазақстан Компартиясы Қарағанды обкомының хатшысы. 1990 жылдан бастап Қазақстан Компартиясы ОК идеологиялық бөлімінің меңгерушісі болған.

1991 жылғы тамызда Қуаныш Сұлтанов Баспасөз және бұқаралық ақпарат министрі болып тағайындалды. Сергей Терещенко үкіметінің мүшесі ретінде ол 1993–1994 жылдары премьер-министрдің орынбасары ретінде қызмет етті.

1993–1995 жылдары Қазақстан халық бірлігі қозғалысының, кейіннен Қазақстан халық бірлігі партиясы ОК төрағасы. 1994 жылғы наурыздан 1995 жылғы наурызға дейін ол — Жоғарғы Кеңестің Талдықорған облысының №115 Жаркент сайлау округінен сайланған депутаты (92,26% дауыс жинап, жалғыз бәсекелесінен озып кетті). 1994 жылдан ол — Жоғарғы Кеңес төрағасының орынбасары. 1995 жылғы наурыздан ол Жоғарғы Кеңестің депутаттары мен қызметкерлерін қызметке орналастыру жөніндегі комиссиясының құрамында болған. 1995 жылғы маусымнан ол — Қазақстанның Қытай, Моңғолия, Вьетнам және Солтүстік Кореядағы Төтенше және өкілетті елшісі.

2001 жылы Сұлтанов кейін дипломатиялық мансабын тоқтата тұрып, 2011 жылға дейін Қазақстан Парламенті Сенатының II, III, IV сайланымдарының депутаты болып сайланды.

2012–2021 жылдары ол Қазақстан Парламенті Мәжілісі V және VI сайланымдарының депутаты болып сайланды.

«Қарлығаштар» (1976), «Жастардың аяқ алысы» (1981), «Қазақстан комсомолы» (1982), «Уақытпен бетпе-бет» (1995). «Қазақстан-Қытай: тарих және қазіргі заман» (1995), «Қазақстан-Қытай: құжаттар мен материалдар жинағы» (1997), «Алыптың оянуы (қытай реформасы туралы очерктер)» (1999) кітаптарының авторы, «Қазақстан мен Қытайдағы реформалар. Ерекшеліктері. Ұқсастығы. Айырмашылықтары. Жетістіктері. Мәселелері» (2000), Қазақстан мен Қытай арасындағы дипломатиялық қарым-қатынастардың орнағанына 10 жыл толуы құрметіне орай жазылған «Тату көршілік. Добрососедство» (Астана–Бейжің, 2001), «Мүдделер қиылысы. Перекресток интересов» (2003) монографияларының, «Қазіргі заманғы саяси процестер» (2004) атты оқу құралыныңтең авторы, «Серпінді кезең» (2005) кітабының, сондай-ақ 200-ден аса мақала мен жарияланымдардың авторы.

Қуаныш Сұлтановтың жұбайы — Бекеш Дәулетбаққызы Әділбекова (1946 жылы туған), зейнеткер. Қыздары — Гүлнәзия (1970 жылы туған), Гауһар (1974 жылы туған), Анбиян (1989 жылы туған) Сұлтановтар; ұлдары — Айдын (1972 жылы туған), Ойлан (1993 жылы туған) Сұлтановтар.^[1]