Psyche
Psyche — 2023 жылдың қазанында ғарышқа ұшырылған НАСА миссиясы, (16) Психея астероидын орбитадан зерттеуді көздейді.
Psyche | |
---|---|
Ұйымы | АҚШ, НАСА |
Басты мердігерлері | SpaceX |
Тапсырысы | Астероидтарды зерттеу |
Ұшыру күн-айы | 13.10.2023 ж., Кеннеди ғарыш орталығы[1] |
Сөре көлігі | Falcon Heavy зымыран-тасығышы |
Тапсырыс ұзақтығы | 5 жыл 10 ай баруға, 21 ай орбитада |
NSSDC нөмірі | 2023-157A |
Торабы | www.nasa.gov/psyche |
Массасы | 1648 кг (отынмен 2608 кг) |
Қуаты | 4500 Вт |
(16) Психея — Негізгі белдеудегі ең ауыр металды астероид. Жерден жүргізілген радарлық бақылаулар оның темір мен никельден тұратынын көрсеткен.[2]
Psyche астероидқа 2029 жылы жақындайды деп жоспарланған.
Миссия келесі сұрақтарға ғылыми тұрғыдан жауап беруі тиіс:[3]
- (16) Психеяні планетезималь ядросы деп қарастырған дұрыс па? Күннен алшақтығы ондай денелердің құрылысына қалай әсер еткен?
- Осы астероидта мантиясы болған ба, ол қалай және қашан ұшырылды?
- Бұрын астероид балқыған күйде болса, оның қатуы қалай жүрді, ортасынан ба, сырттан бастап па?
- Қату барысында астероидтың магнит өрісі қалай өзгерген?
- Темірмен бірге қорытпалар түзген элементтердің негізгілері қайсы?
- Геологиялық пен топографиялық жағынан (16) Психея тасты және мұзды астероидтардан қаншалықты өзгеше келеді?
- Миссия логотипі
- Жоспарлы траектория
Құрылғылар
- Көпспектрлі камера —астероидтың геологиялық және топографиялық түсірілуін қамтамасыз етеді.
- Гамма-/нейтрондық спектрометр — астероидта таралған элементтерді көрсететін құрылымдық картаны жасайды.
- Магнитометр — астероидтың қалдық магнит өрісін өлшейді.
- Deep Space Optical Communication — тәжірибелік лазерлік байланыс технологиясы. Ғарыш кеменің Жермен байланысын 10-100 есе жақсартады деп жоспарлануда. Psyche сигналдарын Калифорниядағы телескоп қабылдайтын болады.
Қозғалтқышы
Psyche аппаратында төрт SPT-140 (Stationary Plasma Thruster) қозғалтқышы бар. Олар Холл эффектісінің негізінде жұмыс істейді, яғни электрлік қозғалтқыш болып келеді. (16) Психеяға жету үшін химиялық қозғалтқышқа қажет болатын отынның тек 10% ғана жеткілікті болады, әрі жылдамдығы көбірек болады. SPT-140 қозғалтқышы отынды жандырмайды, оны иондандырады және электр өрісі көмегімен соплодан шығарады. Пайда болатын реактивті ағын химиялық қозғалтқыштағыдан едәуір жылдамырақ болады. Отын ретінде ксенон пайдаланылады.[4][5]
- SPT-140 қозғалтқышы
- Psyche лабораторияда
- Ғарышқа ұшырылуы
Дереккөздер
Ортаққорда бұған қатысты медиа санаты бар: Psyche |