Federica Mogherini

D'Federica Mogherini, gebuer de 16. Juni 1973 zu Roum, ass eng italieenesch Politikerin vum Partito Democratico (PD).

Federica Mogherini
Gebuertsnumm	Federica Maria Mogherini
Gebuer	16. Juni 1973 Roum
Nationalitéit	Italien
Aktivitéit	Politiker
Partei	Partito Democratico
Member vun	European Leadership Network, American Academy of Arts and Sciences
Famill
Papp	Flavio Mogherini

Si war vum 1. November 2014 bis den 30. November 2019 Vizepresidentin an der Europäescher Kommissioun ënner der Presidence vum Jean-Claude Juncker a gläichzäiteg d'Héich Representantin vun der EU fir Aussen- a Sécherheetspolitik, zu deem se den 30. August 2014 vun Europäesche Conseil designéiert gi war.^[1]

2008 an 2013 war si an déi italieenesch Deputéiertechamber gewielt ginn. Vum 22. Februar 2014 bis den 31. Oktober 2014 war si Ausseministesch an der Regierung vum Premierminister Renzi.

2020 gouf si zur Direktesch vum Collège d'Europe vu Bruges ernannt.

Si ass bestuet an huet zwou Duechteren.^[2]