Geologie vu Lëtzebuerg

Dëse Geologiesartikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

Lëtzebuerg gehéiert geologesch gesinn zu zwéi verschiddenen Ensembelen:

d'Guttland ass en Deel vum Baseng vu Paräis (engem grousse Sedimentbaseng). Sou kënnt et datt et am Guttland just sedimentäert Gestengs gëtt.
d'Éislek gehéiert zum Sockel vum Baseng vu Paräis a besteet aus metamorphem Gestengs.

D'Gestengs vu Lëtzebuerg staamt also aus veschiddenen äerdgeschichtleche Perioden an zwar dem Devon, dem Trias an dem Jura.

Devongestengs zu Lëtzebuerg

D'Gestengs aus dem Éislek staamt aus dem ënneschten Devon (Stuf Pragium, fréier Siegenium genannt, an Emsium). Et handelt sech ëm Schifer a Quarziter. An der Sträif bannent dem Pommerlach, Housen, Maarnech, Donkels steet méi jongt Gestengs un wéi am Rescht vum Éislek, well do de Synklinorium vu Wolz ass.

Tëscht dem Devon an dem Trias ass eng Diskordanz, well déi an der Stratigraphie net hannerenee kommen.

Triasgestengs zu Lëtzebuerg

Ënneschten Trias (fréier: Buntsandsteen): Buntsandsteen an der Géigend ëm Ettelbréck a Feelen.
Mëttelsten Trias (fréier: Muschelkallek): Muschelkallek an der Muselgéigend.
Ieweschten Trias (fréier: Keuper): Leem a Mergel am Uelzechtdall vu Walfer un, der Atert, der Sir an den Dräieck Iechternach, Schengen, Conter.

Juragestengs zu Lëtzebuerg

Ënneschte Jura oder Lias mat de Stufen:
- Hettangium
  - dovun den ieweschten Hettangium oder Lëtzebuerger Sandsteen ëm d'Stad, ëm d'Äisch an d'Mamer an am Mëllerdall
- Sinemurium
- Plinsbachium
- Toarcium: "Uelegschifer" am Käerjenger a Stroossener Raum a Minettsgéigend
Mëttlere Jura (fréier Dogger) mat de Stufen:
- Aalenium: Minett
- Bajocium: Kalleker a Mergelen op der Minett

Gestengs aus der Äerdneizäit (Paleogen an Neogen) zu Lëtzebuerg

Literatur

Storoni, A., 2010. Les paysages géologiques du Luxembourg. 57 S. Éditions Schortgen, Esch-Uelzecht. ISBN 978-2-87953-096-3

Kuckt och

Michel Lucius

Um Spaweck

(fr) Lëtzebuerger Portal fir Äerdwëssenschaften

Search