Liz Braz
D'Liz Braz, gebuer den 29. September 1996[1][2] an der Stad Lëtzebuerg[3], ass eng lëtzebuergesch Juristin a Politikerin (LSAP).
Liz Braz | |
---|---|
Gebuer | 29. September 1996 Lëtzebuerg |
Nationalitéit | Lëtzebuerg |
Educatioun | Lycée Hubert-Clément, Universitéit vu Lëtzebuerg, Université libre de Bruxelles |
Aktivitéit | Jurist, Politiker, Deputéierten |
Partei | LSAP |
Famill | |
Papp | Félix Braz |
Formatioun a Karriär
No hirer Première am Escher Lycée Hubert-Clément huet si op der Uni Lëtzebuerg e Bachelor am Droit gemaach an duerno op der ULB zu Bréissel e Master am „ëffentlechen an internationalen Droit“.
Si schafft zanter Mee 2023 als Chargée de mission am Ausseministère[4].
Politesch Karriär
Am Mee 2022 huet si zesumme mam Brian Halsdorf eng sozialistesch Jugendsektioun fir de Süde gegrënnt, vun där si Co-Presidentin gouf.
Bei de Gemengewalen 2023 koum si als Drëttgewielt vun hirer Partei an den Escher Gemengerot.[5] Am selwechte Joer huet si fir d'Chamberwale kandidéiert a gouf fir d'LSAP am Bezierk Süden an d'Chamber gewielt.[6]
Privates
D'Liz Braz ass d'Duechter vum fréiere Justizminister a Vizepremier Félix Braz.
Um Spaweck
- Mat 27 Joer jéngsten Deputéiert: D'LSAP-Politikerin Liz Braz am Portrait, rtl.lu, 26.10.2023