Sociedade Independente de Comunicação
 | Dësen Artikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran. |
D'Sociedade Independente de Comunicação, kuerz: SIC, ("Onofhängeg Kommunikatiounsgesellschaft") ass den éischten a bis elo gréisste privaten Televisiounssender a Portugal. En diffuséiert landeswäit fënnef Programmer iwwer Kabel.
| Sociedade Independente de Comunicação | |
|---|---|
| Typ | S.A. |
| Grënnungsdatum | 1992 |
| Sëtz | Rua Calvet de Magalhães 242, 2770-022 Paço de Arcos  Portugal |
| Leedung | Daniel Oliveira |
| Branche | Medien |
| Homepage | http://sic.pt |
 | |
Geschicht
Den éischte Kanal SIC huet seng Emissiounen de 6. Oktober 1992 ugefaangen an domat de Monopol vum portugisesche Staatsfernsee Rádio e Televisão de Portugal op en Enn bruecht.
D'Geschicht vu SIC fänkt am Joer 1987 un, wéi d'Societéit zwar registréiert gouf, mee nach keng Emissiounen diffuséiert huet. Am Ufank hate Granada Television (ITV a Groussbritannien) zesumme mat Impala, Expresso a Projornal 20% vum Kapital vun SIC.
Landeswäit kann den Haaptkanal SIC terrestresch fir jidderee fräi empfaange ginn. Déi aner véier SIC-Kanäl (SIC Notícias, SIC Radical, SIC Mulher a SIC International) si just iwwer Kabel oder Satellit am Pay-TV z'empfänken.
Den Haaptprogramm vu SIC setzt sech aus portugiseschen a brasilianeschen Telenovelaen zesummen. Zousätzlech gëtt et dräi Noriichtesendunge pro Dag a verschidden Dokumentatiounen asw. Ausserdeem ginn eng ganz Rëtsch amerikanesch Fernseesendungen a Serië wéi z. B. CSI: Miami mat portugiseschen Ënnertitelen ausgestraalt.
TV-Quoten
| 2008 | 2009 | 2010 | 2011 | 2012 | 2013 | 2014 | 2015 | 2016 | 2017 |
|---|---|---|---|---|---|---|---|---|---|
| 24,9% | 23,4% | 23,4% | 22,7% | 21,8% | 21,1%[1] | 19,1%[2] | 18,7%[2] | 17,6% | 17,1%[3] |