Tour de France 1904

• Den Tour besteet aus 6 Etappen an huet eng Totaldistanz vu 2 429 km.
• D'Moyenne vum Gewënner (Henri Cornet) ass 25,265 km/h.

Den zweeten Tour de France war och bal de leschte ginn. D'Kompetitioun war en Affer vun hirem eegene Succès vum Joer virdru wéinst fanatesche Reaktioune vu franséische Spectateuren a Faveur vun der Ekipp « La Française » (d'Ekipp vum Maurice Garin), a verschiddene Fuddlereien. Den Henri Desgrange denkt souguer dru fir d'Saach komplett falen ze loossen.

Als Folleg vun dësen Evenementer gëtt d'Resulat vum Tour eréischt definitiv den 2. Dezember homologéiert. Aacht Coureuren ënner hinnen déi véier Éischt aus dem Generalklassement ginn deklasséiert oder suspendéiert.

Sou kënnt et datt den Henri Cornet deen de fënneften am Generalklassement war op déi éischt Plaz rutscht an als Vainqueur deklaréiert gëtt. De Maurice Garin kritt eng Suspensioun vun zwee Joer opgedréckt (déi hie säi ganzt Liewe laang contestéiert), an de Lucien Pothier, 2. zu Paräis, gëtt liewenslänglech gespaart (dëst gëtt awer no dräi Joer erëm opgehuewen).

Wéinst den Deklassementer vum 2. Dezember falen d'Etappegewënner (Garin, Pothier an Aucouturier) ewech.

Etapp	Datum	Etappestied	type	Längt (km)	Gewënner	General­klassement
1. Etapp	2. Jul.	Montgeron – Lyon		467	Michel Frédérick	Michel Frédérick
2. Etapp	9. Jul.	Lyon – Marseille		374	Alfred Faure	Émile Lombard
3. Etapp	13. Jul.	Marseille – Toulouse		424	Henri Cornet	Henri Cornet
4. Etapp	17. Jul.	Toulouse – Bordeaux		268	François Beaugendre	François Beaugendre
5. Etapp	20. Jul.	Bordeaux – Nantes		425	Jean-Baptiste Dortignacq	Henri Cornet
6. Etapp	23. Jul.	Nantes – Ville-d'Avray		471	Jean-Baptiste Dortignacq	Henri Cornet

Generalklassement Coureur Land Ekipp Zäit 1. Henri Cornet Frankräich Cycles JC 96 h 05 min 55 s 2. Jean-Baptiste Dortignacq Frankräich Elvish + 2 h 16 min 14 s 3. Aloïs Catteau Belsch La Française + 9 h 01 min 25 s 4. Jean Dargassies Frankräich No name + 13 h 04 min 30 s 5. Julien Maitron Frankräich + 19 h 06 min 15 s 6. Auguste Daumain Frankräich Peugeot + 22 h 44 min 36 s 7. Louis Coolset Belsch + 23 h 44 min 20 s 8. Acille Colas Frankräich + 25 h 09 min 50 s 9. René Saget Frankräich + 26 h 28 min 36 s 10. Gustave Drioul Belsch + 3 h 08 min 09 s

Source: ProCyclingStats

• La mémoire du cyclisme / Tour 1904