Wiesbaden

Wiesbaden läit op der rietser Säit vum Rhäin.

Bezierker

D'Stad Wiesbaden ass a 26 Bezierker agedeelt.

Mainz-Amöneburg, Mainz-Kastel a Mainz-Kostheim hu bis 1945 zu Mainz gehéiert. Dohier den Numm.

Kuckt och: Lëscht vun de Wiesbadener Bezierker

Nopeschstied

Wiesbaden grenzt am Norden un Taunusstein an un Niedernhausen, am Osten un d'Stied Hofheim, am Süden u Mainz an am Westen u Schlangenbad, Eltville a Walluf.

Klima

Wiesbaden läit an der gemässegter Klimazon. D'Joresmëtteltemperatur bedréit 9,8 Grad Celsius an et falen am Duerchschnëtt pro Joer 638 Millimeter Néierschlag.

De wäermste Mount ass de Juli mat an der Moyenne 18,6 Grad Celsius, de keelste Mount ass de Januar mat an der Moyenne 1,0 Grad Celsius. De meeschte Néierschlag fält am Juni mat an der Moyenne 68 Millimeter, am mannsten Néierschlag fält am Februar an am Abrëll mat an der Moyenne 41 Millimeter.

Schonn zu Réimerzäite war d'Stad ënner dem Numm Aquae Mattiacae bekannt.

D'Stadtverordnetenversammlung vun der Stad Wiesbaden huet 81 Memberen. Zanter Juli 2019 ass de Gert-Uwe Mende^[1] (SPD) Oberbuergermeeschter.

Den 31. Dezember 2011 hunn an der Stad Wiesbaden 278.919 Mënsche gelieft, wouvun der 46.743 Auslänner (16,9 %) waren.

Als zweetgréisst Stad vun Hessen huet d'Stad och verkéierstechnesch eng zentral Roll.

Loftverkéier

De Fluchhafe vu Frankfurt am Main, läit 30 km vun der Stad ewech. Als internationale Fluchhafe bestinn direkt Linne mat verschiddenen europäesche Stied.

Stroosseverkéier

5 Bundesstroosse gi vun der Stad aus fort: d'B54, d'B262, d'B263, d'B417 an d'B455. D'Autobunnen A3, A66, A643 an A671 féieren an d'Stad, respektiv sinn Deel vum Contournement vun der Stad.

Ëffentlechen Transport

Eisebunn

An der Wiesbadener Gare lafe verschidden Eisebunnslinnen zesummen:

• Köln - Koblenz - Wiesbaden
• (Limburg) - Niedernhausen - Wiesbaden
• Frankfurt - Wiesbaden
• Héichvitessstreck Köln–Rhein/Main

Iwwer déi Linnen huet d'Gare Uschloss un d'Linn vum InterCityExpress-Netz.

Ausser der Haaptgare gëtt et nach e puer méi kleng Garen um Territoire vu Wiesbaden: déi vu Biebrich, Schierstein, Erbenheim, Igstadt, Medenbach, Mainz-Kastel a Wiesbaden-Ost.

Bussen

D'Stad Wiesbaden bedreift, mat hirer Gesellschaft ESWE, en eegent Busnetz, bei deem eng ronn 230 Bussen op 40 Linnen déi verschidde Quartieren ofdecken.

Bauwierker

• D'Schlass Biebrich
• D'Bonifatiuskirche
• D'Buerg Sonnenberg
• D'Kurhaus Wiesbaden
• D'Marktkirche
• Den Hessesche Staatstheater Wiesbaden
• D'Ringkirche
• D'Nerobergbahn
• D'Wilhelmstraße
• De Kurpark
• De Bowling Green
• D'Schlass vu Wiesbaden
• De Kochbrunnen
• D'Neues Rathaus
• D'Opelbad

Reegelméisseg Evenementer

• Februar / Mäerz: "Karneval"
• Abrëll: "GoEast"
• Mee: "Internationale Maifestspiele Wiesbaden" a "Internationales Pfingstturnier"
• Juni: "Wilhelmstraßenfest"
• Juli: "Schiersteiner Hafenfest"
• August: "Rheingauer Weinwoche" a "Folklore-Festival"
• September: "Taunusstraßenfest"
• Oktober: "Andreasmarkt"
• November: "exground filmfest"
• Dezember: "Sternschnuppenmarkt".

Akafen

An der Wilhelmstraße, och nach kuerz d'Rue genannt, fënnt ee Luxuslabelen. An der Kirchgasse an an der Langgasse kann een och zu méi moderater Präisser wéi op der Wilhelmstraße akafen. Hei fënnt e vun der exzentrescher bis zur klassescher Moud bal alles.

• Pierre Even - Affekot, Komponist an Hobbyhistoriker
• Adolphe vu Lëtzebuerg - Herzog vun Nassau
• Kristina Schröder - Politikerin
• Nico Rosberg - Formel 1 Pilot
• Karin Dor - Schauspillerin
• Wëllem IV. vu Lëtzebuerg - Groussherzog

Wiesbaden huet Partnerschafte mat follgende Stied. A Klameren d'Joer vum Etablissement vun der Partnerschaft.

• Lëscht vun de kreesfräie Stied an Däitschland

Commons: Wiesbaden – Biller, Videoen oder Audiodateien

• Offiziell Websäit vun der Stad