Alles paletti
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
Alles paletti is 'n oetdrökking die alles okay betekent en väöral in 't ooste van de provincie Nederlands-Limburg, 't Belzje Gemmenich en ömgaeving en in Duutsjlaand gebroekd wert. 't Zów in Limburg väöral in d'r context va vastelaovend gebroekd waeëre. 't Gèèt hie öm 'n oetdrökking die me neet kan verbuge.
Es (humoristische) verlinging gebroek me döks alles paletti mit de confetti of (op Duutsjland) alles paletti im Zirkus Confetti.
Geveulswaeërd
De geveulswaeërd van de oetdrökking Alles paletti is evvel gaans aandersj es 't geveul dat Alles okay oetdrökt. Bie Alles paletti sjpelt de väörgesjiedenis, oeëin 't gaar neet okay waor, 'n belangrieke ról.
Etymologie
Alles paletti is verwaant an pleite, dat in 't Nederlands weg of verdwenen betekent en via 't Jiddische pleta dat vlucht betekent en 't Bargoens in 't Nederlands is kaome.