गौतम अदानी

गौतम अदानीक जन्म गुजराती बनिया परिवारमे सन् १९६२ जुन २४ मे भारतक गुजरात राज्यक अहमदाबादक रतनपोलमे भेल छल ।^[१०] गौतमक पिताक नाम शान्तिलाल आ माताक नाम शान्ता अदानी छी आ हुनका ७ भाईबहिन अछि । हुनकर मातापिता गुजरातक पूर्वी भाग थराद शहरसँ बसाइसराई केनए छल ।^[८] गौतमक विवाह प्रिती अदानीसँ भेल अछि जे पेशासँ दन्त चिकित्सक आ अदानी फाउन्डेसनक प्रबन्धक सञ्चालक छी । ई दुनूके दुई टा बेटा अछि । गौतम अपन प्रारम्भिक शिक्षा अहमदाबादक शेठ चिमनलाल नागीनदास विद्यालयसँ केनए अछि । बादमे, ओ गुजरात विश्वविद्यालयसँ वाणिज्य सङ्कायमे स्नातकक दुई वर्षधरि पढ़ाई केलक ।^[११]

अपन पिताद्वारा अहमदाबादमे स्थापित टेक्सटाइलक व्यवसायमे समर्पित नै भ गौतम १८ वर्षक उमरमे किछ १०० रुपैया ल भारतक आर्थिक राजधानी मुम्बई पहुँचल छल । ओ अपन करियरक आरम्भ हिरा विक्रेताक रूपमे केनए छल । ओ २ वर्ष धरि महिन्द्रा ब्रदर्स नामक फर्ममे काज केनए छल । बादमे ओ खुद अपन हीरा दलालीक काज मुम्बईमे स्थापित केनए छल । हुनकर कथन अनुसार ओ एक वर्षमे लगभग १० लाख रुपैया आर्जित केनए छल, सन् १९८० मे ई रकम बहुत बेसी छल ।^[८]

गौतमक बड़का भाई महासुख अदानी, अपन प्लास्टिक कारखानाक चलाबैक लेल गौतमक मुम्बईसँ अहमदाबाद बजेलक । जल्दीए गौतम अदानी पोलीभिनाइल क्लोराइड, प्लास्टिक निर्माणक लेल प्रमुख सामग्रीक आयात करि कमोडिटी व्यवसाय आरम्भ केलक ।^[७][८]

अदानी, उच्च जोखिम ल व्यवसाय करि सफल भेला कारण हुनका गौतमभाई नाम राखल गेल । पूर्व आइआइएम-ए निर्देशक बाकुल ढोलकिया, जे अदानी समूहक शैक्षिक आ सिएसआर सुरुवातकर्ता छल ओ कहलक, "उच्च जोखिम वहन करि सफल होमएवला बहुतेक कम व्यवसायीसभमे सँ एक अदानी छी ।^[१२]

• विवरण फोर्ब्समे
• जीवनी
• अदानी वेबसाइट
• अदनी फाउन्डेसन
• फर्च्युन फुड्स वेबसाइट सङ्ग्रहित २०१५-०३-१४ वेब्याक मेसिन