Boky fahatelon' i Esdrasa
Ny Boky fahatelon' i Esdrasa na Boky fahatelon' i Ezra dia boky apôkrifa ao ao amin' ny Septoajinta sy ny Volgata. Hita ao amin' ny Baiboly ôrtôdôksa etiôpiana koa io boky io.
Anaran' ny boky
Ny Boky fahatelon' i Esdrasa na Esdrasa grika dia atao hoe 2Izra ao amin' ny Baiboly ôrtôdôksa etiôpiana -- 2Ezdra ao amin' ny Baiboly ôrtôdôksa slavônika ary 1Esdras kosa ao amin' ny fandaharana ny apôkrifa amin' ny teny anglisy. Hita ao amin' ny Septoaginta (na Septanta) sy ao amin' ny Volgata io boky io. Tsy i Ezra (na Esdrasa) no nanoratra azy.
Fotoana nanoratana
Nosoratana tamin' ny taonjato voalohany tal. J.K. mety ho tao Aleksandria io boky io, nampiasain' ny Jiosy amin' ny fampielezan-keviny. Fitambatambaran-dahatsoratra mitantara indrindra ny fiverenana avy any am-pahababoana no madrafitra io boky io. Miavaka amin' izany ny andalana momba ny tantaran' i Zerobabela na Zôrôbabela (3Esdr. 3.1 – 5.6). Misy ny mihevitra fa sombin' ny boky lehibe atao hoe Tantara-Ezra-Nehemia amin' ny dikan-teny grika ireo andalana ireo. Ity eto ambany ity ny fafana mampiseho iny boky amin' ny anaran' i Ezra mety hafangaro.
Fafana fampitahana
Misy maro ny soratra amin' ny anaran' i Ezra ka mety hitambatra ho boky iray ny sasany arakaraka ny fiangonana na ny Baiboly na ny fiteny itanisana azy. Mety hiova araka izany koa ny laharan' izy ireo.
| Ny iantsoana azy ato amin’ny Wikipedia malagasy | Anarana omen’ny mpikaroka | Volgata | Slavônika | Etiôpiana | Anglisy | |
| Bokin’i Esdrasa | - | 1Esdrasa | 1Esdras | 1Ezdra | 1Izra | Ezra |
| Bokin’i Nehemia | - | 2Esdrasa | 2Esdras | Nehemia | Nehemiah | |
| Esdrasa grika | 3Esdrasa | 3Esdrasa | 3Esdras | 2Ezdra | 2Izra | 1Esdras |
| 4Esdrasa | 5Esdrasa | 5Esdrasa | 4Esdras (Esdrasa latina) | 3Ezdra | - | 2Esdras |
| Apokalipsan’i Esdrasa | 4Esdrasa | Izra Sutuel (ዕዝራ ሱቱኤል) | ||||
| 6Esdrasa | 6Esdrasa | - | ||||