Pajanjian Versailles
Templat:Infobox Treaty
Pajanjian Versailles (1919) adolah suatu pajanjian damai nan sacaro rasmi mangakhiri Perang Dunia I antaro Sekutu jo Kekaisaran Jerman. Salapeh anam bulan negosiasi malalui Konferensi Perdamaian Paris, perjanjian iko akhirnyo ditandotangani sabagai tindak lanjuik dari perlucutan sanjato nan ditandotangani pado bulan November 1918 di Compiègne Forest, nan mangakhiri perseteruan sasungguahnyo. Salah satu hal tapantiang nan dihasilan dek perjanjian iko adolah bahwa Jerman manarimo tangguang jawek panuah sabagai panyabab paparangan dan malalui aturan dari pasal 231-247, harus malakuan parbaikan-parbaikan pado nagaro-nagaro tatentu nan tagabuang dalam Sekutu.
Negosiasi di antaro nagaro-nagaro sekutu dimulai pado 7 Mei 1919, pado paringatan tanggalamnyo RMS Lusitania. Aturan nan diterapan tahadok Jerman pado perjanjian tasabuik antaro lain adolah panyerahan sabagian wilayah Jerman kapado babarapo nagaro tetangganyo, palapehan koloni subarang lautan dan Afrika milik Jerman, sarato pambatasan pasukan militer Jerman nan diharokan dapek maambek Jerman untuak mamulai parang baliak. Karano Jerman indak diizinan untuak maambiak bagian dalam negosiasi, pamarintah Jerman mangiriman protes tahadok hal nan dianggoknyo sabagai sesuatu nan indak adil, dan salanjuiknyo maelo diri dari parundingan. Belakangan, menteri luar negeri baru Jerman, Hermann Müller, satuju untuak manandotangani perjanjian pado 28 Juni 1919. Perjanjian iko surang diratifikasi dek Liga Bangsa-Bangsa pado tanggal 10 Januari 1920.
Di Jerman, perjanjian ko mambuek takajuik jo raso malu nan baperan tahadok runtuahnyo Republik Weimar pado 1933, tarutamo kareno banyak urang Jerman indak pacayo bahwa urang tu harus manarimo tangguang jawek panuh sabagai pamicu parang. "Ampek Gadang" (Big Four) nan malakukan negosiasi perjanjian iko adolah Perdana Menteri David Lloyd George dari Britania Raya, Perdana Menteri Georges Clemenceau dari Prancis, Vittorio Orlando dari Italia, jo Presiden Woodrow Wilson dari Amerika Serikat. Jerman indak diundang ka Parancih untuak mandiskusian perjanjian. Di Versailles wakatu itu, sulik untuak mancapai kasapakatan basamo karano tujuan urang tu saliang konflik sasamo inyo. Hasil parundingan disabuik-sabuik sabagai suatu kompromi nan indak disukoi dek pihak mano sajo.
Syarat-syarat
Perjanjian iko manciptaan kaadaan kondusif didirikannyo Liga Bangsa-Bangsa, sabuah tujuan utamo Presiden A.S. Woodrow Wilson. Liga Bangsa-Bangsa dimukasuikan untuak manangahi konflik-konflik internasional sarato jo iko mancegah parang pado maso depan. Hanyo ampek dari “ampek baleh butia” (Fourteen Points) Wilson diwujudan, karano inyo harus bakompromi jo Clemenceau, Lloyd George dan Orlando pado babarapo butia dan sabagai gantinyo dapek mampatahanan butianyo nan “kaampekbaleh” Liga Bangsa-Bangsa.
Pandangan umum iolah bahwa Clemenceau dari Parancih adolah nan paliang basumangaik dalam mamabaleh dandam Jerman, Front Barat parang tarutamo barado di wilayah Parancih. Perjanjian ikoini dianggok indak adil wakatu itu karano marupoan padamaian nan didikte dek para pemenang dan sacaro kaseluruahan manyalahan parang ka Jerman. Hal iko sungguah manyederhanaan situasi. Babarapo sejarawan modern bapandapekt bahwa perjanjian iko cukuik adil karano merefleksikan syarat-syarat barek nan didiktean ka Rusia dek Jerman jo Perjanjian Brest-Litovsk.
Daerah nan Diserahan
- Alsace-Lorraine, daerah-daerah nan diserahan ka Jerman manuruik mukadimah perdamaian nan ditandotangani di Versailles pado 26 Februari 1871, dan Perjanjian Frankfurt pado 10 Mei 1871, dibaliakan ka Parancih tanpa jajak pandapek mulai tanggal gencatan sanjato 11 November 1918. (area 14 522 km², panduduak 1.815.000 jiwa (1905)),
- Schleswig Utara tamasuak kota-kota nan mayoritas panduduaknyo adolah Jerman iyolah Tondern (Tønder), Apenrade, Sonderburg, Hadersleben, dan Lügum di Schleswig-Holstein, sasudah Jajak Pendapat Schleswig, ka Denmark (area 3 984 km², panduduak 163.600 jiwa (1920)),
- Provinsi Prusia Posen dan Prusia Barat, nan dicaplok dek Prusia pado Pembagian Polandia (1772-1795), dibaliakan ka Polandia nan alah laia baliak. Wilayah ko alah dibebeasan dek panduduak Polandia lokal pado Pemberontakan Wielkopolska antaro taun 1918-1919 (area 53 800 km², panduduak 4.224.000 jiwa (1931)).
- Prusia Barat diagiahan ka Polandia supayo Nagaro ko punyo akses bebas ka lauik, tamasuak minoritas Jerman nan cukuik gadang dan jo iko manciptaan Koridor Polandia.
- Wilayah Hlučínsko Hulczyn di Silesia Hulu diagiahan ka Cekoslovakia (area 316 atau 333 km², jo panduduak 49.000 jiwa),
- Bagian timur Silesia Hulu, ka Polandia (area 3 214 km², jo pANDUDUAK 965.000 jiwa), meski 60% padO jajak pandapek mamiliah untuak tatok bagabuang jo Jerman
- Kota-kota Jerman Eupen dan Malmedy ka Belgia
- Wilayah Soldau di Prusia Timur (stasiun kareta api rute Warsawa-Gdańsk) ka Polandia (area 492 km²),
- bagian utara Prusia sAbagai Memelland di bawah pangawasan Parancih, kamudian diserahan ka Lithuania tanpa jajak pandapek.
- Dari bagian timur Prusia Barat jo bagian selatan Prusia Timur (Warmia dan Masuria), sabuah daerah ketek ka Polandia,
- Provinsi Saarland diawasi Liga Bangsa-Bangsa salamo 15 tahun. Lalu sasudah periode kp diadoan jajak pandapek apokah panduduak nio bagabuang jo Parancih atau Jerman. Pado masaiko, produk batubara diagiahan ka Parancih.
- Palabuhan Danzig (sekarang Gdańsk, Polandia) jo wilayah muaro batang Wisla pado Laut Baltik dijadian Freie Stadt Danzig (Kota Bebas Danzig) di bawah pangawasan Liga Bangsa-Bangsa. (wilayah 1 893 km², jo panduduak 408.000 jiwa (1929)).
Dalam Pasal 156 Jerman menyerahan konsesi-konsesi Jerman di Shandong, Tiongkok ka Japang dan indak menyerahannyo baliak kaTiongkok. Kemarahan warga Tiongkok mangenai kaputusan iko mambuek demonstrasi dan gerakan kabudayaan nan disabuik jo istilah Gerakan Empat Mei dan mambueki Nagaro iko untuak indak menandotangani perjanjian. Tiongkok manyatoan salasai parang jo Jerman pado September 1919 dan menandotangani perjanjian tapisah jo Jerman pado taun 1921.
Syarat-Syarat Militer
Bateh-bateh Militer
Salain manyerahan daerah, ado babarapo batehan untuak Jerman di bidang militer, antaro lain:
- Jumlah tentara Jerman maksimal nan dimiliki Jerman adolah 100.000 urang sajo, dan wajib militer diapuihan
- Jumlah tentara Angkatan Lauik Jerman maksimal 15.000 urang
- Jumlah kapa parang basanjatoa (Battleship) Jerman maksimal 6 (Dengan katantuan bobot maksimal 10.000 Ton)
- Jumlah kapa parang gerak capek (Cruiser) Jerman maksimal 6 (Dengan katentuan bobot maksimal 6.000 Ton)
- Jumlah kapa parusak (Destroyer) Jerman maksimal 12 (Dengan katentuan bobot maksimal 800 ton)
- Jumlah kapa torpedo (PT Boat) Jerman maksimal 12 (Dengan katentuan bobot maksimal 200 ton)
- Batehan dalam produksi sanjato (Contoh: Sanapan Masin Maxim dan Rifle Gewehr 98)
Larangan Militer
Ado pulo babarapo hal nan dilarang dalam bidang Militer, antaro lain
- Jerman dilarang punyo kapa salam
- Jerman dilarang malakuan padagangan sanjato antarnegara (Impor-Ekspor sanjato)
- Jerman dilarang punyo gas baracun
- Jerman dilarang punyo pesawat tempur
- Jerman dilarang punyo tank jo oto basanjato (Artileri Darat)
- Jerman dilarang malakuan blokade ahadok kapa lain
Referensi
Pranala luar
- Preceding: Text of Protest by Germany and Acceptance of Fair Peace Treaty
- Trianon Museum
- Contents of the Treaty of Versailles Archived 2005-08-19 di Wayback Machine.
- The Full Text of the Treaty of Versailles Archived 2006-09-02 di Wayback Machine.
- Full text of Treaty of Versailles as part of The Avalon Project at Yale Law School Archived 2006-05-03 di Wayback Machine.
- The Treaty of Versailles and the Impact on Germany Archived 2006-10-17 di Wayback Machine.
- Peace Treaty?
Templat:Sejarah-stub
