Enrico De Nicola

Enrico De Nicola (Napule, 9 'e nuvembre 1877 - Torre d''o Grieco, 1 'e ottovre 1959), avvucato, ommo puliteco italiano, è stato 'o primmo Presirente d''a Repubbreca Italiana. Fuje eletto Presirente d''a Cammera de' Deputate d''o 26 'e giùgno 1920 'o 25 'e jennaro 1924.

Enrico De Nicola
1º Presiriente d"a Repubbreca Taliana
Durata mannato	1 'e luglio 1946 – 12 'e majo 1948
Predecessore	careca istituita
Successore	Luigi Einaudi
Date generale
Suffisso onorifico	ordene ô merito d"a Repubbreca Taliana
Partito puliteco	Partito Liberale Taliano
Uneverzetà	Uneverzetà d"e Studie 'e Napule Federico II e Liceo Statale Antonio Genovesi
Prufessione	Puliteco
Firma

'A furmazione soja s’’a facette dinte a l'area libberale giolittiana, fuje aletto p’’a primma vota deputato 'o 1909 (XXIII legislatura) dinte 'o culleggio d'Afravola. Fuje sempe aletto nfi â XXVI legislatura, doppo 'a marcia su Romma all'interno d’’o Partito naziunale fascista, fuje Presirente d’’a Camera nfi 'o 1928. 'O 1929, sempe a Afravola, vennette aletto senatore d’’o Regno.

Avvucato penalista, è stato Presirente d’’a Corte costituzionale e sottosegretario 'e Stato 'o Ministero de' Colonie e a chillo d’’o Tesoro, pe' po' essere nummenato da l'assemblea costituente capo pruvvisorio d’’o Stato 'e 28 'e giùgno 1946.

L'anno doppo, dopo avè dato 'e dimissione, venette aletto 'n' ata vota Capo pruvvisorio d’’o Stato 'e 26 'e giùgno 1947. Pigliaje 'o titulo 'e Presirente d’’a Repubbreca d’’o 1º jennaro 1948 siconne 'a regula d’’a primma dispusizzione transitoria de’’a Costituzzione. Quanno po'arrivaie 'a fina d’’o mandato, rifiutaie d'esse nummenato 'n' ata vota Presirente d’’a Repubbreca Italiana.

Comme ex Presirente d’’a Repubbreca, addeventaie senatore a vita. Fuje Presirente d’’o Senato d’’a Repubbreca d’’o 28 'e abbrile 1951 nfi 'o 24 'e giùgno 1952, durante 'a I Legislatura. 'O 2 'e dicembre 1955 fuje annummenato giudice d’’a Corte Costituzionale d’’o Presirente d’’a Repubbreca Giovanni Gronchi. Tenette l'incarico 'e Presirente d’’a Corte Costituzionale d’’o 23 'e jennaro 1956 nfi 'o 26 'e màrzo 1957.

È cunsiderato uno de' cchiù 'mpurtante cittadine d'Afravola, addò 'o podestà Ciaramella avette 'n'autorizzazione speciale da l'alto cummissario pe’’a Pruvincia 'e Napule c’’o scopo e mettere 'o nomme suoio a na strata quanno era ancòra vivo.