Pusilleco

'O nomme viene d''o grieco Pausilypon ("pausa da 'o periculo" o "basta dulore"), nomme legato a 'o panorama ca se gureva anch'a ddojemila e cinqueciento anne primma, int' a chesta zona 'e Napule.

Pusilleco fiùra già int''e jonte d''e Grecie, e primme a abbità stu promontorio ch'era ricuperto tutto ra'e' petre e alberi. Song presiente rovine romane vicino 'e rive e pure vicino 'a o capo ca fà finì 'o Gurfo 'e Napule, è pussibbile verè 'e rieste d''e fore ca ventilavano 'o tunnel ca purtava a 'a residenza 'e Publio Vedio Pollione. Ce song pure' e rieste' e n'anfiteatro.

Int'a ll'età muderna, 'a zona rimase sottosviluppata fi a 'a costruzione 'e via Pusilleco, da 'o 1812 a 'o 1814. 'A via cumincia da 'o puorto 'e Margellina e va' ncopp'a costa, quase parallelamiente a 'a riva.

Na gruossa parte d''a zona ha subito pesante ricostruzione aropp''a sicunna uerra munniale, ma ha cunservato divierse case storiche, comme Villa Rosebery, mo' proprietà d''o Presiriente d''a Repubbreca.

Ncopp 'a punta 'e Capo Pusilleco se truova 'o Parco sommerso d''a Gaiola, criàto int''o 2002 pe 'e Ministiere d''o Ambiente e d''e Bene Culturale, Inte ll'acque addò ce stanno ll'isule d''a Gaiola fi 'o puorticiello 'e Marechiaro, aroppo ce sta 'a baia 'e Trentaremi. 'A cullina è attraversata da quattro vie principale: via Pusilleco, via Francesco Petrarca, via Pascoli e via Alessandro Manzoni

Int''o quartiere ce sta 'o 'mpurtante Circo Nautico 'e Pusilleco.

• Tomba 'e Jacopo Sannazaro
• Chiesa 'e ll'Addolorata
• Chiesa 'e Sant'Antonio a Pusilleco
• Chiesa 'e Santa Maria d''a Consolazione a Villanova
• Chiesa 'e Santa Maria d''o Faro
• Chiesa 'e Santo Strato a Posillipo
• Mausoleo Schilizzi
• Scoglione 'e Marechiaro
• Grotta 'e Seiano e Villa Imperiale di Pausilypon
• Palazzo d''e Spiriti
• Parco sommerso d''a Gaiola
• Tempio d''a Gaiola
• Villa Rosebery

• Purtale Napule: Trase ê vvoce 'e Wikipedia ca parlano 'e Napule