19P/Borrelly
19P/Borrelly is en kortperioodschen Komeet, de an’n 28. April 1904 vun Alphonse Louis Nicolas Borrelly in Marseille opdeckt worrn is. He weer an’n 22. September 2001 dör de NASA-Ruumsond Deep Space 1 utforscht.
| 19P/Borrelly | |
 | |
| Egenschoppen vun’n Orbit (Simulatschoon) | |
|---|---|
| Orbitklass | kortperioodsch |
| Grote Halfass | 3,610 AE |
| Perihel — Aphel | 1,360 — 5,860 AE |
| Bahnexzentrizität | 0,6233 |
| Bahnnegen gegen de Ekliptik | 30,313 ° |
| Ümlooptiet | 6,86 a |
| middlere Bahnsnelligkeit | 32,6 km/s |
| Physikaalsch Egenschoppen | |
| Dörmeter | 4,8 km |
| Masse | 3,3 · 1013 kg |
| Middlere Dicht | 0,49 g/cm³ |
| Periheldörgang | 22. Juli 2008 |
| Albedo | 0,022 |
| Historie | |
| opdeckt vun | A.L.N. Borrelly |
| an’n | 28. April 1904 |
| in | Marseille |
| Annere Beteken | 1905 II, 1904e |
Ümloopbahn
19P/Borrelly lööpt op en elliptische Ümloopbahn in knapp söven Johr eenmol üm de Sünn. Dat Perihel, as de Punkt vun de Bahn, de an dichsten an de Sünn is, liggt jüst so binnen de Marsbahn. Dat Aphel, also de wietste Punkt vun de Sünn, liggt buten de Bahn vun Jupiter, womit he to de Kometen vun de Jupiter-Familie tellt.
Besöök vun Deep Space 1
An’n 22. September 2001 is de NASA-Ruumsond Deep Space 1 in en Afstand vun blots 2.200 km an den Komeet vörbiflagen. Dormit is dat de veerte Komeet, de vun en Ruumsond utforscht worrn is. Dorbi sünd Biller maakt worrn, de na de Eer sennt warrn künnen. Se wiest den Karn vun den Komeet mit en lange Gestalt vun ruchweg 8 × 4 × 4 km. De Dicht vun den Karn is mit üm un bi 0,49 g/cm³ bestimmt worrn. Bito is de Böverflach bannig düster mit en Albedo von blots 0,022. Eenige düstere Placken hebbt sogar ein Albedo vun blots 0,007. Opstunns sünd kuum Mineralen bekannt, de för dissen Weert infraag kamt.