Aksaray Malaklısı
| Aksaray Malaklısı | |
|---|---|
 | |
| FCI - Standard Nr. 47 | |
| Oorsprungsland | Törkie |
| Klassifikation FCI |
|
| Rassenaam nah KIF | Aksaray Malaklısı |
| Anner Naams | Törksch Mastiff bzw. Türk Mastifi un Malaklı |
| Schufthööcht | 78,36±0,31 cm Teev 72,98±0,49 cm |
| Gewicht | 62,29±0,68 kg Teev 53,20±1,01 kg. |
| List vun de Hunnenrassen | |
Aksaray Malaklısı, ok Türk Mastifi (Törksch Mastiff), is en vun den törkschen kynologischen Daakverband Köpek Irkları ve Köpek Bilimleri Federasyonu (KIF) in de FCI anerkannt Hunnenrass, de to de Höderhunnen tellt. Se is vör allen in Aksaray un de glieknaamig Provinz antodrapen. En Rassestandard, as he för de Anerkennung vun de Rass dör de FCI nödig is, gifft dat noch nich, aber man arbeit doran.[1]
Archäologische Funde in de Region wiesen, dat Hunnen vun dissen Typ all siet öllers her bruukt wurrn. De Hunnenrass (bzw. hör Vörlöper) wurr historsch as Kriegshund insett, in disse Tieden as Waakhund un Herdenschuulhund bruukt. Typisch un naamsgavend för de Rass sünd de hangen ünneren Lefzen (malak). Kopp un Körper sünd massig, Huut un Fell temelk dünn.[1]
In en Studie, in de Hunnen vun den Malaklı-Typ ünnersöcht wurrn sünd,[2] wurrd deren Verhollen mit dat vun den Kangal vergleeken un se wurrn Minschen un anner Hunnen tegenöver as aggressiver as disse beschreeven. As de Kangal hörrt de Malaklı to de Grupp vun törksch Höderhunnenn mit swaart Masken (Karabaş, sö völ as Swaartkopp). Sien Körperbau is as de vun den Kangal, de Steert weniger bafen, de Hooren körter. Vör allen aber kann man hüm dör sien massigen Kopp un de Halsform as ok de hangend Lefzen vun den Kangal ünnerscheeden. In disse Studie wurr en Schufthööcht von 72,98±0,49 cm för de ünnersöcht Teeven un vun 78,36±0,31 cm bi de Rüden faststellt. Rüden weern dörsnittlich 62,29±0,68 kg swoor, Teeven 53,20±1,01 kg. De Malaklı is dormit grötter un swoorer as de anner törksch Höderhundrassen Kangal, Kars-Hund un Akbaş.
