Bob Brookmeyer

Brookmeyer studeer van 1947 bit 1950 an dat Konservatorium in Kansas City. Nah de Militärdeenst fung he sien Karriere 1951 as Pianist bi Tex Beneke an. In dat Johr 1952 speel he bi Louis Prima, Claude Thornhill, Terry Gibbs un Woody Herman un speel jetzt ok mehr Ventilbassun. 1953 truck he nah Los Angeles un wurr en wichtig Figur vun den West Coast Jazz, eerst bi Stan Getz (1953), denn insbesünnere dör dat Ersetten vun Chet Baker in Gerry Mulligan sien klaveerloos Quartett (1954-57). De Formation is 1954 in dat Salle Pleyel in Paris uptreden, to hören up dat Vogue-Album Pleyel Concert. He weer ok Deel vun de ungewöhnlich Jimmy Giuffre Three (1957/58) mit Giuffres Saxophon, Brookmeyers Ventilbasuun und Jim Halls Gitarr.To de sülvig Tiet arbeit Brookmeyer ok wieder as Pianist un nehm 1959 mit en Quartett mit Bill Evans en Plaat up. Von 1961-66 hett he mit Clark Terry en relativ spoodriek Quintett leit. 1965 weer he en vun de Grünnenliddmaaten vun dat Thad Jones/Mel Lewis Orchestra, to dat he tallriek Arrangements bistuern de. Van 1968 an arbeit he as Studiomusiker an de US-amerikaansch Westküst un speel faken an de Siet vun bekannt Mainstream-Jazzer. Bit 1980 weer he musikalisch Direkter vun de weer nee upstellt Lewis Big Band, för de he sowohl solistisch uptreden is as ok wiederhenn bannig ansprööksvull Arrangements verfaat hett.

Enn’ vun de 1980er Johren truck Brookmeyer nah Europa. He schrifft wiederhenn Leeder un warkt af un an up de Ventilbasuun bi Upnahmen mit

Brookmeyer gellt as eerst erwähnenswerter Jazzmusiker up de Ventilbasuun siet Juan Tizol. As Pianist entwickel he en perkussiv un dissonant Speelwies, de vullends buterhalv vun de bitherig Jazztraditschoon stunn.

2006 kreeg he de NEA Jazz Masters Fellowship un he is ok in de American Jazz Hall of Fame upnommen wurrn.

• 1954 The Dual Role of Bob Brookmeyer (Prestige/OJC) mit Jimmy Raney, Mel Lewis, Teddy Charles
• 1954 Quintets (Vogue)
• 1956 Brookmeyer (RCA Victor)
• 1957 Traditionalism Revisited (Blue Note) mit Jimmy Giuffre, Jim Hall, Joe Benjamin, Ralph Pena
• 1978 The Bob Brookmeyer Small Band (DCC Jazz, ersch. 1999)
• 1986 Oslo (Concord)
• 1988 Back Again (Dragon)
• 1991 Electricity (ACT)
• 1993 Paris Suite (Challenge)
• 1994 Old Friends (Storyville) mit Thomas Clausen, Mads Vinding
• 1997 New Works / Celebration (Challenge)
• 1998 Out Of This World (Koch)
• 1998 Together (Challenge, mit Mads Vinding)
• 1999 Madly Loving You (Challenge)
• 2000 Holiday (Challenge)
• 2004 Island (Artists House)

• Richard Cook, Brian Morton: The Penguin Guide To Jazz On CD, Sixth Edition, London, Penguin, 2002 ISBN 0-14-051521-6
• Richard Cook Jazz Encyclopedia London 2007; ISBN 978-0-141-02646-6
• Leonard Feather und Ira Gitler: The Biographical Encyclopedia of Jazz. Oxford, 1999; ISBN 978-0-19-532000-8
• Wolf Kampmann Reclams Jazzlexikon Stuttgart, Reclam 2003; ISBN 3-15-010528-5

• offiziell Websteed
• Biographie vun NEA Siet
• Brookmeyer in de Katalog vun de Deutsche Nationalbibliothek
• Personennaamdatei